دَرگوَز 7:16 - هُدائے پاکێن کتاب، بلۆچی زبانا

¹⁶ گۆن پِرئونا بگوَش: ’هُداوندا، بزان اِبرانیانی هُدایا منا تئیی کرّا راه داتگ که ترا بگوَشان: ”منی مهلوکا بِلّ که گیابانا رئوت و منا پرستشَ کنت،“ بله تئو اَنگت گۆش دارگا نه‌ائے.

دَرگوَز 7:16 Cross References

دَرگوَز 10:3

موسّا و هارون پِرئونئے کرّا شتنت و گوَشتِش: ”هُداوند، اِبرانیانی هُدا چُشَ گوَشیت: ’تان کدێن گروناکَ بئے و منی دێما اۆشتئے و وتا بێکِبرَ نکنئے؟ منی مهلوکا بِلّ که رئوت و منا پرستشَ کنت.

دَرگوَز 13:15

وهدے پِرئونا زِدّ کرت و مارا رئوگا نه‌اِشت، هُداوندا مِسرئے مُلکا سجّهێن ائولی چُکّ کُشتنت، چه انسانئے ائولی مَردێن‌چُکّان بگر تان دَلوَتانی ائولی نَرێن چُکّان، سجّهێنی کُشتنت. پمێشکا من هر دَلوَتئے ائولی نَرێن چُکّا په هُداوندا کُربانیگَ کنان و وتی لۆگئے سجّهێن ائولی مَردێن‌چُکّانَ مۆکان.‘

دَرگوَز 14:5

پِرئون سهیگ بوت که اے مهلوک تتکگ. اِشانی بارئوا پِرئون و آییئے هِزمتکارانی اِراده بدل بوت، گوَشتِش: ”ما چێا چُشێن کارے کرت؟ اِسراییلی مئے هِزمتا کنگا اَتنت، ما چێا رئوگا اِشتنت؟“

دَرگوَز 3:12

هُدایا گوَشت: ”من گۆن تئو گۆنَ بان. تئو که کئوما زورئے و چه مِسرا درَ کائے، شما همے کۆها هُدائے پرستشا کنێت. و اے یکّ نِشانیے بیت که تئیی راه دئیۆک من آن.“

دَرگوَز 3:13

موسّایا گۆن هُدایا گوَشت: ”اگن من بنی اِسراییلئے کرّا برئوان و بگوَشان که شمئے بُنپیرکانی هُدایا منا شمئے کرّا راه داتگ و آ چه من جُست بکننت که آییئے نام کئے اِنت، آیانی پسّئوا چے بگوَشان؟“

دَرگوَز 3:18

اِسراییلئے کماش تئیی هبران گۆشَ دارنت. شما هۆریگا مِسرئے بادشاهئے کرّا برئوێت و گۆن آییا بگوَشێت که هُداوند، بزان اِبرانیانی هُدا مئے دێما زاهر بوتگ. نون مارا رَزا بدئے که ما گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن.

دَرگوَز 4:22

گۆن پِرئونا بگوَش: ’هُداوند چُشَ گوَشیت: اِسراییل منی مردێن‌چُکّ اِنت، منی ائولی چُکّ اِنت.

دَرگوَز 4:23

من ترا گوَشت که منی چُکّا بِلّ که رئوت و منی پرستشا کنت. بله تئو نَمَنِّت و رئوگا نه‌اِشت. بِچار، نون من تئیی چُکّا کُشان، تئیی ائولی مَردێن‌چُکّا.‘“

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 8:1

نون هُداوندا گۆن موسّایا گوَشت: ”پِرئونئے کرّا برئو و گۆن آییا بگوَش: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 8:20

هُداوندا گۆن موسّایا گوَشت: ”سهبا ماهلّه پاد آ و وهدے پِرئون دێم په آپا رئوت، آییئے دێما در آ و بگوَشی: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 9:1

هُداوندا گۆن موسّایا گوَشت: ”پِرئونئے کرّا برئو و گۆن آییا بگوَش: ’هُداوند، اِبرانیانی هُدا چُشَ گوَشیت: ”منی مهلوکا بِلّ که رئوت و منا پرستشَ کنت.

دَرگوَز 9:13

هُداوندا گۆن موسّایا گوَشت: ”سهبا ماهلّه پاد آ، پِرئونئے دێما در آ و بگوَشی: ’هُداوند، اِبرانیانی هُدا چُشَ گوَشیت: ”منی مهلوکا بِلّ که رئوت و منا پرستشَ کنت.