دَرگوَز 4:9 - هُدائے پاکێن کتاب، بلۆچی زبانا

⁹ بله اگن اے دوێن نشانی‌اِش باوَر نکرتنت و تئیی گَپِّش گۆش نداشت، گڑا چه نیلّا کمّے آپ بزور و هُشکێن زمینئے سرا برێچ. اے آپان که تئو چه نیلّا زورئے، اے آپ هُشکێن زمینئے سرا هۆنَ بنت.“

دَرگوَز 4:9 Cross References

دَرگوَز 1:22

گڑا پِرئونا وتی سجّهێن مردم هُکم دات و گوَشتنت: ”هر اِبرانی مَردێن‌چُکّے که پێدا بیت، آییا نیلّئے کئورا دئور بدئیێت، بله اِبرانی جنکّان بِلّێت.“

دَرگوَز 4:8

”اگن مردمان تئیی گَپّ باوَر نبوت و ائولی نشانی‌اِش دلگۆش نکرت، دومی نشانیا باوَرَ کننت.

دَرگوَز 7:17

هُداوند چُشَ گوَشیت که تئوِ پِرئون چه اے نِشانیا زانئے که من هُداوند آن: بِچار، اے اَسا که منِ موسّائے دستا اِنت، من اِشیا کئورئے آپا جنان و آپ هۆن جۆڑَ بنت.

مَتّا 7:2

اَنچُش که شما دگران اێرَ جنێت، همے پئیما شما اێر جنَگَ بێت و گۆن هر کئیل و پئیمانهێا که بدئیێت، گۆن هما کئیلا شمارا دئیگَ بیت.