دَرگوَز 4:1 - هُدائے پاکێن کتاب، بلۆچی زبانا

¹ موسّایا پَسّئو دات: ”اگن مردم منی سرا باوَر مکننت و منی هبران گۆش مدارنت و بگوَشنت: ’هُداوند تئیی دێما زاهر نبوتگ،‘ گڑا؟“

دَرگوَز 4:1 Cross References

دَرگوَز 2:14

آییا پَسّئو دات: ”کئیا ترا مئے سرا هاکم و دادرَس کرتگ؟ زانا تئو لۆٹئے منا هم بکُشئے اَنچۆ که مِسری‌اِت کُشت؟“ موسّایا تُرست و دلا گوَشتی: ”پَکّایا هبر پاشْک بوتگ.“

دَرگوَز 3:15

هُدایا گۆن موسّایا اے هم گوَشت: ”گۆن بنی اِسراییلا بگوَش که ’یَهوِه‘، بزان شمئے بُنپیرکانی هُدا، اِبراهێمئے هُدا، اِساکئے هُدا و آکوبئے هُدایا منا شمئے کرّا راه داتگ. تان اَبد منی نام همِش اِنت و من نَسلانی نَسل همے ناما یات کنگَ بان.

دَرگوَز 3:16

برئو اِسراییلئے کماشان یکجاه کن و گۆن آیان بگوَش که هُداوند، بزان شمئے بُنپیرکانی هُدا، اِبراهێم و اِساک و آکوبئے هُدا منی دێما زاهر بوتگ و گۆن من گوَشتگی که من چه نزّیکّا دیستگ که مِسرا گۆن شما چے بوتگ و

دَرگوَز 3:18

اِسراییلئے کماش تئیی هبران گۆشَ دارنت. شما هۆریگا مِسرئے بادشاهئے کرّا برئوێت و گۆن آییا بگوَشێت که هُداوند، بزان اِبرانیانی هُدا مئے دێما زاهر بوتگ. نون مارا رَزا بدئے که ما گیابانا سئے رۆچئے راها رئوێن و په وتی هُداوندێن هُدایا کُربانیگَ کنێن.

دَرگوَز 4:10

موسّایا گۆن هُداوندا گوَشت: ”او منی هُداوند! من هبرزانتے نه‌آن، نه پێسرا بوتگان و نه انّون هبرزانتے آن. اے ساهتا هم که تئو گۆن وتی کَستِرا هبرا ائے، منی زبان و بئیان کُنٹ اِنت.“

دَرگوَز 4:30

هارونا هما سجّهێن هبر کرتنت که هُداوندا گۆن موسّایا کرتگ‌اَتنت و هما نشانی‌ای مهلوکئے چمّانی دێما پێش داشتنت.

دَرگوَز 4:31

مهلوکا باوَر کرت. وهدے آیان اِشکت که هُداوندا مئے نێمگا دلگۆش کرتگ و مئے بزّگی‌ای دیستگ، په ادب سرِش جَهل کرت و پرستش کنگا لگّتنت.

دَرگوَز 6:12

بله موسّایا گۆن هُداوندا گوَشت: ”منی هبر اِسراییلیان گۆش نداشتگ‌اَنت، گڑا پِرئونِش چۆن گۆشَ داریت؟ من وَه کُنٹ‌بئیانێن مردمے آن.“

دَرگوَز 6:30

بله موسّایا گۆن هُداوندا گوَشت: ”من کُنٹ‌بئیانێن مردمے آن، پِرئون چۆن منی هبران گۆشَ داریت؟“

کاسِدانی کار 7:25

موسّایا وتی دلا اَنچُش هئیال کرت که آییئے اِسراییلی برات بلکێن سرپد ببنت که په آیانی رَکّێنگا، هُدا آییا کار بندگا اِنت، بله اِسراییلی سرپد نبوتنت.