دَرگوَز 32:4 - هُدائے پاکێن کتاب، بلۆچی زبانا

⁴ هارونا آیانی داتگێن تلاه زرت و آپ کرتنت. تِلاهی کالِبێا کرتنت و بُتێن گوَسکے اَڈّی کرت. مردمان گوَشت: ”او اِسراییل! اے تئیی هُدا اِنت که ترا چه مِسرا در کرت و آورتی.“

دَرگوَز 32:4 Cross References

دَرگوَز 20:2

”من تئیی هُداوندێن هُدا آن، هما که ترا چه مِسرا در کرت و آورت، چه هما مُلکا که اۆدا گُلام اَتئے.

دَرگوَز 20:23

چه من اَبێد شمارا دگه هچّ هُدا مبیت. په وت هچّ بُتێن هُدا اَڈّ مکنێت. نه نُگرهێن هُدا اَڈّ کنێت، نه تلاهێن.

دَرگوَز 20:4

نه بُرزێن آسمانئے چیزّێئے شِکلا په وت بُت اَڈّ بکن، نه زمینئے سرئے چیزّێئے شِکلا، نه زمینئے چێرئے آپانی تهئے چیزّێئے شِکلا. په وت هچّ بُتێن هُدا اَڈّ مکن.

دَرگوَز 28:11

هما پئیما که آجِنۆک مُهرے نَکشَ چِنت، تئو هم اِسراییلئے چُکّانی نامان همے دوێن سِنگانی سرا آجِن. دوێن سِنگان دو تِلاهئے مُهرَگ‌جاهئے تها کن و

دَرگوَز 28:9

دو سِنگِ سُلئیمان بزور و آیانی سرا اِسراییلئے مَردێن‌چُکّانی نامان آجِن و نَکش کن.

دَرگوَز 32:1

وهدے مهلوکا دیست که موسّایا چه کۆها اێر کپگا سکّ دێر کرت، هارونئے چپّ و چاگردا مُچّ بوتنت و گوَشتش: ”بیا، په ما هُدا اَڈّ کن که راها چه ما پێسَر ببنت، چێا که آ مَرد، موسّا که مارا چه مِسرا دری کرت و آورتی، نزانێن آ چۆن بوت.“

دَرگوَز 32:24

من گۆن آیان گوَشت: ’هرکَسا که تلاهئے سَهت و زێور پِر، کَشّێت و بیارێتِش.‘ اِشان وتی تلاه منا داتنت. من زرت و آسا چگل داتنت و اے گوَسک چه آسا در آتک.“

دَرگوَز 32:3

سجّهێن مهلوکا تلاهئے نالُک چه گۆشان کَشِّت و هارونئے کِرّا آورتنت.

دَرگوَز 32:35

نون هُداوندا پمێشکا وَباے مهلوکئے چَکّا دئور دات که هارونا گوَسکے اَڈّ کرتگ‌اَت و مردمان پرستش کرتگ‌اَت.

دَرگوَز 32:5

هارونا که مردمانی اے هالَت دیست، گوَسکئے دێما کُربانجاهے اَڈّی کرت و جاری جت: ”باندا هُداوندئے ناما جَشن اِنت.“

دَرگوَز 32:7

هُداوندا گۆن موسّایا گوَشت: ”اێر کپ، چێا که اے تئیی مهلوک که تئو چه مِسرا در کرت و آورت، نون سِلکاریا لگّتگ.

دَرگوَز 32:8

اِشان منی سۆج داتگێن راه زوتّ یله داتگ. په وت بُتێن گوَسکے اَڈِّش کرتگ و سُجدَهِش کرتگ. په آییا کُربانیگِش کرتگ و گوَشتگِش: ’او اِسراییل! اے تئیی هُدا اِنت که ترا چه مِسرا در کرت و آورتی.‘

کاسِدانی کار 17:29

اگن ما هُدائے پُشپَد اێن، گڑا نباید اِنت ما هُدایا گۆن سُهر، نُگره و سِنگا اَڈّ کرتگێن بُتان همدَروَر بکنێن که مردمان گۆن وتی هئیال و هنرا جۆڑێنتگ‌اَنت.

کاسِدانی کار 7:41

آیان گوَسک‌پئیمێن یکّ بُتے جۆڑ کرت و په وتی جۆڑ کرتگێن بُتئے شرپا، کُربانیگ و شادهی و شادکامی کرت.