دَرگوَز 2:5 - هُدائے پاکێن کتاب، بلۆچی زبانا

⁵ پِرئونئے جنکّ جانئے شۆدگا نیلّئے کئورا آتک. مۆلد نیلّئے کئورئے کرّا گَردگا لگّتنت. پِرئونئے جنکّا کاشانی نیاما سَپْت دیست و وتی مۆلدے راهی دات که سَپْتا بیار. آییا آورت.

دَرگوَز 2:5 Cross References

زَبور 12:5

هُداوندَ گوَشیت: ”چه نِزۆرێن مردمانی لگتمالی و هاجتمندانی نالگانی سئوَبا نون جاهَ جنان. من اِشان هما پئیما اێمنیَ بَکشان که اِشانی اَرمان اِنت.“

زَبور 46:1

هُدا مئے پناهگاه و زۆر و واک اِنت، مَدَت کنۆکے که سکّیانی وهدا تئیار اِنت.

زَبور 76:10

په انسانا تئیی هِژم هم تئیی سَتائے سئوَبَ بیت و پَشت کپتگێن هِژما تئو وتی لانکا بندئے.

زَبور 9:9

هُداوند په زُلم دیستگێنان، بُرزێن کلاتے کلاتے بُرزێن، مان سکّێن ساهتان.

دَرگوَز 2:6

پِرئونئے جنکّا سَپْت پَچ کرت و نُنُّک دیست. نُنُّک گرێوگا اَت. پِرئونئے جنکّا آییئے سرا بزّگ بوت. گوَشتی: ”اے چه اِبرانیانی چُکّان اِنت.“

دَرگوَز 7:15

سُهبا که پِرئون آپئے کرّا رئوت، تئو برئو و نیلّئے کئورئے لمبا آییئے راهئے سرا بۆشت و مار بوتگێن اَسایا دستا کن.

دَرگوَز 8:20

هُداوندا گۆن موسّایا گوَشت: ”سهبا ماهلّه پاد آ و وهدے پِرئون دێم په آپا رئوت، آییئے دێما در آ و بگوَشی: ’هُداوند چُشَ گوَشیت: ”منی مهلوکا بِلّ که رئوت و منا پرستشَ کنت.

کاسِدانی کار 7:21

وهدے ڈنّا اێرِش کرت، مِسرئے بادشاه پِرئونئے جنکّا زرت و وتی جندئے چُکّئے ڈئولا رۆدێنت و مزن کرت.