دَرگوَز 16:3 - هُدائے پاکێن کتاب، بلۆچی زبانا

³ اِسراییلیان گوَشت: ”دْرێگتا ما مِسرا هُداوندئے دستا بمُرتێنێن. اۆدا وَه ما گۆشتئے دێگانی کِرّا نِشتگ‌اَتێن و دِلئے سێرا نانَ وارت. بله شما مارا اے گیابانا آورت که اے سجّهێن مهلوکا چه شُدا بکُشێت.“

دَرگوَز 16:3 Cross References

زَبور 107:5

گژنگ و تُنّیگ منتنت، مَرکیگ بوتنت.

زَبور 78:19

هُدائے هلاپا هبرِش کرت و گوَشتِش: ”هُدا اے گیابانا پَرزۆنگے پَچ کرتَ کنت؟

زَبور 78:25

مردمان پرێشتگی وراک وارت، په آیان بێکساس وراکی رئوان دات.

دَرگوَز 14:11

گۆن موسّایا گوَشتِش: ”زانا مِسرا کبر نێست‌اَت که تئو مارا په مِرَگا اے گیابانا آورتگ؟ اے چِه کارے که تئو گۆن ما کرت؟ تئو چێا مارا چه مِسرا دَر کرت؟

دَرگوَز 17:3

بله مردم اۆدا تُنّیگ اَتنت، آیان موسّائے سرا نُرُنڈِت و گوَشت: ”تئو چێا مارا چه مِسرا در کرت و آورت؟ که مارا و مئے چُکّان و مال و دَلوَتان چه تُنّا بکُشئے؟“

دَرگوَز 2:23

ماه و سال گوَستنت و همے نیاما مِسرئے بادشاه مُرت. اِسراییلی چه وتی گُلامیا نالَگ و پِریاتا اَتنت. آیانی اے نالَگ و پِریات بُرزاد شت و هُدایا سر بوتنت.

دَرگوَز 5:21

گۆن آیان گوَشتِش: ”هُداوند شمارا مئے هَکّانی جُستا بکنات و وت اِنساپ بکنات. شما پِرئون و آییئے هِزمتکارانی چمّان مارا سْیَه‌رو کناێنتگ و په مئے کُشگا زهمے آیانی دستا داتگ.“

کاسِدانی کار 26:29

پولُسا پَسّئو دات: ”زوتّ یا دێر، بله من چه هُدایا همِشیا لۆٹان که اێوکا تئو نه، هرکَس که مرۆچی منی هبران گۆش دارگا اِنت، منی ڈئولا باوَرمند ببیت، بله پادی زمزیلان مبنت.“