دَرگوَز 12:8 - هُدائے پاکێن کتاب، بلۆچی زبانا

⁸ آ باید اِنت هما شپا گۆشتا آسا بپَچنت و گۆن بێهُمیرێن نگن و تَهلێن کاهُکا بوَرنتی.

دَرگوَز 12:8 Cross References

زَبور 22:14

چۆ که آپا رێچگ و تالان بوتگان سجّهێن هَڈُّن چه بندان در آتکگ‌اَنت. دلُن چۆ که مۆما آپ اِنت و سێنَگا سۆچیت.

دَرگوَز 1:14

هِشت و بَتانَهئے اَڈّ کنگِشَ پرماتنت و ڈگارانی سرا هر دابێن گرانێن کارِشَ گپتنت و آیانی زندگی‌اِش اَزاب کرت. سجّهێن کارِش په بێرَهمی پرماتنت.

دَرگوَز 12:9

اے گۆشتا هامَگا مئورێت و آپگْرادی هم مکنێت و مئوَرێتی. گۆن سَرَگ و پادَگ و دِلیگ و لاپیگان آسا پَچێت و بوَرێتی.

دَرگوَز 13:3

موسّایا گۆن مردمان گوَشت: ”اے رۆچا مشمۆشێت که شما همے رۆچا چه مِسرا دَر آتکگێت، چه هما مُلکا که اۆدا گُلام بوتگێت و هُداوندا گۆن وتی دستئے زۆرا شمارا چه اۆدا در کرتگ و آورتگ. هُمیری نگن مئورێت.

دَرگوَز 13:7

تان هپت رۆچا بێهُمیرێن نگن بوَرێت. شمئے کرّا و شمئے هدّ و سیمسرانی تها هچّ هُمیر دست مکپیت.

دَرگوَز 23:18

کُربانیگئے هۆنا که منی دێما پێشَ کنئے، ترا هچّ هُمیردارێن چیزّ گۆن مبیت. منی ائییدئے کُربانیگئے پیگ تان سباها پَشت مکپیت.

دَرگوَز 34:25

کُربانیگئے هۆنا هُمیری چیزّێئے همراهیا پێش مکن. سَرگوَزئے ائییدئے کُربانیگا تان سباها اێر مکن.

مَتّا 16:12

گڑا مرید سرپد بوتنت که آییا نگوَشتگ چه آرتێن هُمیرا پهرێز بکننت، چه پَریسی و سَدوکیانی تالیما وتا دور بدارنت.

مَتّا 26:26

وهدے شام ورگا اَتنت ایسّایا نگنے زرت، هُدائے شُگری گپت، چُنڈ چُنڈ کرت و مریدانا داتی. گوَشتی: ”بزورێت و بوَرێت، اے منی جسم اِنت.“

په گَلاتیان پولُسئے کاگد 5:9

تُشُکے هُمیر سجّهێن آرتا هُمیرێنَ کنت.

په تِسالونیکیان پولُسئے ائولی کاگد 1:6

شما مئیگ و هُداوندئے رندگیر جۆڑ بوتێت چێا که گرانێن سکّی و سۆریانی تها شما مئے هبر په گَلے زُرت، گۆن اَنچێن شادمانیے که چه پاکێن روها رسیت.