دَرگوَز 11:8 - هُدائے پاکێن کتاب، بلۆچی زبانا

⁸ تئیی اے سجّهێن هِزمتکار منِ موسّائے کرّا کاینت و کۆنڈانَ کپنت و گوَشنت: ’در آ، تئیی جند گۆن هما سجّهێن مردمان که تئیی رَندگیر اَنت.‘ گڑا من چه اے مُلکا درَ کایان و رئوان.“ نون موسّا زهرا زهر چه پِرئونئے کرّا در آتک و شت.

دَرگوَز 11:8 Cross References

زَبور 6:1

او هُداوند! منا گۆن وتی هِژما هکّل مدئے و گۆن وتی گَزبا نِهرّ.

دَرگوَز 10:29

موسّایا گوَشت: ”هرچے تئو گوَشئے. من دگه برے تئیی دێما نکپان.“

دانیال 3:19

گڑا نِبوکَدنِزَر، شَدرَک، میشَک و اَبِدنِگۆئے سرا سکّ هِژم گپت. آییئے دێمئے رنگ چه زهرا بَرگَشت و هُکمی دات که کورَهئے آسا هپت سَری گێش کنێت.

مَرکاس 3:5

ایسّایا په زَهر چارتنت، چێا که چه آیانی سِنگدلیا سکّ پَدَرد بوت. گۆن آ مردا گوَشتی: ”دستا شهار دئے!“ آییا دست شهار دات و دستی وشّ و دْراه بوت.

اِلهام 3:9

بچار، من چه شئیتانئے کَنیسَهئے مردمان لهتێن ترا دئیان، چه همایان که وتا یَهودیَ گوَشنت بله یَهودی نه‌اَنت و درۆگَ بندنت. بچار، من آیانَ پرمایان، آ کاینت، تئیی پادانی دێما کپنت و سرپدَ بنت که من ترا دۆست داشتگ.