دَرگوَز 10:1 - هُدائے پاکێن کتاب، بلۆچی زبانا

¹ هُداوندا گۆن موسّایا گوَشت: ”پِرئونئے کرّا برئو. من پِرئونئے دل و آییئے هِزمتکارانی دل پمێشکا سِنگ کرتگ‌اَنت که وتی اے نشانیان آیانی دێما زاهر بکنان و

دَرگوَز 10:1 Cross References

زَبور 7:11

هُدا آدلێن دادرسے، هُداے که هر رۆچ هِژمَ گیپت.

دَرگوَز 10:20

بله هُداوندا پِرئونئے دل سِنگ کرت و آییا اِسراییلی رئوگا نه‌اِشتنت.

دَرگوَز 3:20

من وتی دستا شهارَ دئیان و مِسرا گۆن وتی هما سجّهێن اَجَبَّتێن کارانَ جنان که منِش آیانی نیاما کنان. گڑا پِرئون شمارا رئوگا کِلّیت.

دَرگوَز 4:21

هُداوندا گۆن موسّایا گوَشت: ”وهدے پدا مِسرا رئوئے، بچار، هما سجّهێن مۆجِزه که من تئیی دستا داتگ‌اَنت، پِرئونئے دێما آ مۆجِزَهان بکن و پێش دار، بله من آییئے دلا سِنگَ کنان که کئوما رئوگا مئیلیت.

دَرگوَز 7:4

بله پِرئون شمئے هبران گۆشَ نداریت. من وتی دستا مِسرئے هِلاپا چِستَ کنان، مِسریان گرانێن سِزا دئیان و وتی اِسراییلی کئوما رُمب رُمبا چه مِسرا کشّان.

دَرگوَز 9:12

بله هُداوندا پِرئونئے دل سِنگ کرت و هما پئیما که هُداوندا گۆن موسّایا گوَشتگ‌اَت، پِرئونا آیانی هبر گۆش نداشتنت.

دَرگوَز 9:16

بله ترا پمێشکا زندگا اِشتُن که وتی زۆر و واکا ترا پێش بداران و سجّهێن جهانا منی نامئے جار جنَگ ببیت.

دَرگوَز 9:27

پِرئونا موسّا و هارون لۆٹاێنت و گوَشتنت: ”اے بَری من گناه کرتگ. هُداوند بَرهَکّ اِنت و من و منی مردم مئیاربار اێن.

یوهَنّا 12:40

”آیانی چمّی کۆر و دلی سنگ کرتگ‌اَنت که گۆن چمّان مگندنت، گۆن دلان سَرپد مبنت و دێم په من پِر مترّنت. اگن منی کِرّا بیاتکێننت، من دْراه کرتگ‌اَتنت.“

پولُسئے کاگد په رومیان 9:17

پرچا که پاکێن کتاب گۆن پِرئونا گوَشیت: ”من ترا په اے مکسدا مزنی داتگ که چه تئو وتی زۆر و واکا پێش بداران تانکه منی نام سجّهێن زمینا جار جنَگ ببیت.“

پولُسئے کاگد په رومیان 9:18

گڑا بزان، هُدا هرکَسئے سرا که بلۆٹیت رَهمَ کنت و هرکَسئے دلا که بلۆٹیت سِنگَ کنت.