دانیال 9:3 - هُدائے پاکێن کتاب، بلۆچی زبانا

³ گڑا من وتی دێم هُداوندێن هُدائے نێمگا تَرّێنت، دْوا و پِریات کرت، رۆچگ داشت، گۆنیێن گُد گوَرا کرت و وتا پُر پِر رێتک.

دانیال 9:3 Cross References

زَبور 35:13

بله وهدے آ نادْراه اتنت، من سوگی گُد و پۆشاک گوَرا کرت و جسم و جان گۆن رۆچگ دارگا رنجێنت. وهدے منی دْوا بێپسّئو منتنت

دانیال 6:10

نون وهدے دانیال سهیگ بوت که چُشێن پَرمانے دَسهَتّ کنگ بوتگ، وتی لۆگئے هما بُرزی کۆٹیا شت که دریگی دێم په اورشَلیما پَچَ بوتنت و اَنچۆ که مُدام کرتگ‌اَتی، رۆچے سئے رندا کۆنڈانَ کپت، دْواییَ کرت و وتی هُدائے شُگریَ گپت.

دانیال 9:2

هماییئے دئورئے ائولی سالا منِ دانیال، پاکێن کتابانی تها سالانی هما هسابا شَرّیا چارگا اَتان که هُداوندا وتی لبزئے تها گۆن اِرِمیا نبیا گوَشتگ‌اَت. من دیست که اورشَلیمئے تباهی تان هپتاد سالا مانیت.

دانیال 9:20

نون وهدے من هبر و دْوا کنگا اَتان و وتی جندئے و وتی اِسراییلی کئومئے گناهان مَنّگا اَتان و په هُدائے پاکێن کۆها، گۆن وتی هُداوندێن هُدایا پریات کنگا اَتان،

دانیال 9:4

من وتی هُداوندێن هُدائے کِرّا دْوا کرت، گناه مَنِّتنت و گوَشت: ”او هُداوند! او مزن و باکمالێن هُدا! تئو هما هُدا ائے که وتی اَهد و کَرارا پورهَ کنئے و گۆن همایان مِهرَ کنئے که ترا دۆستَ دارنت و تئیی پَرمانانَ منّنت.

مَتّا 17:21

بله اے ڈئولێن جِنّ، اَبێد چه دْوا کنگ و رۆچگ دارگا درَ نئیاینت.“

لوکا 2:37

بله رَندا جنۆزام بوت. نون آییئے اُمر هشتاد و چار سال اَت و آییا چه مزنێن پرستشگاها ڈَنّ، پاد اێرَ نکرت. شپ و رۆچ، هُدایا سَنا و سَتا کنان، وتی وهد په دْوا و رۆچگَ گوازێنت.

کاسِدانی کار 10:30

کُرنیلیوسا پَسّئو دات: ”چار رۆچَ بیت که همے وهدا ساهت سئیا، وتی لۆگا زِگر و دْوا کنگا اَتان، اَناگت یکّ مردے که دْرپشناکێن پۆشاکی گوَرا اَت، منی دێما آتک و