دانیال 7:1 - هُدائے پاکێن کتاب، بلۆچی زبانا

¹ بابِلئے بادشاه بِلشازَرئے دئورئے ائولی سالا دانیالا وابے دیست، وهدے وتی نپادئے سرا تچک اَت، شُبێن و اِلهام آییئے سرئے تها چکرّگا اَتنت. آییا وتی وابئے هاسێن هبر نبشته کرتنت.

دانیال 7:1 Cross References

پێدایش 15:1

چه اے چیزّان و رند، هُداوندئے هبر الهام و شُبێنێئے تها په اِبراما آتک: ”او اِبرام! متُرس، من تئیی اِسپر آن. تئیی اِنام سکّ مزن اِنت.“

پێدایش 46:2

هُدایا شپئے اِلهامێئے تها گۆن اِسراییلا هبر کرت. گوَشتی: ”آکوب! او آکوب!“ آییا پَسّئو دات: ”جی!“

دانیال 1:17

اے چارێن وَرنا، هُدایا لبزانک و هکمتئے هر پئیمێن زانت و هُنر دئیان کرتنت. دانیال هر وڑێن الهام و شُبێن و وابانی مانایا هم بلَد اَت.

دانیال 2:1

نِبوکَدنِزَرا وتی بادشاهی دئورئے دومی سالا واب دیست. آییئے اَرواه بێتاهیر بوت و آ وابَ نکپت.

دانیال 2:26

بادشاها گۆن دانیالا که دومی نامی بِلْتِشازَر اَت، گوَشت: ”تئو منی دیستگێن وابا و آییئے مانایا منا گوَشتَ کنئے؟“

دانیال 4:13

وهدے گندلان وپتگ‌اَتان، شُبێنانی تها دیستُن، تَه منی دێما پاکێن مردمے، بزان کاسدے، چه آسمانا جَهلاد پێداک اِنت.

دانیال 4:5

من وابے دیست و تُرسێا منا مان پتات. گَندلانی سرا، منی هئیال و شُبێنان منا تُرسێنت.

دانیال 5:1

بادشاه بِلشازَرا بلاهێن داوَتے دات. وتی هزار میر و مهتِری مهمان کرت و اِشانی دێما شرابی وارت.

دانیال 5:22

بله او بِلشازَر، نِبوکَدنِزَرئے نماسَگ! اے سجّهێن چیزِّت زانتنت و اَنگت هم گروناکی‌اِت چه وتی دلا در نکرت.

دانیال 5:30

هما شپئے شپ بابلیانی بادشاه، بِلشازَر کُشگ بوت.

دانیال 7:13

من شپئے اِلهامان چارگا اَتان، ته دیستُن، گۆن آسمانی جمبران انسانی چُکّێئے ڈئولێنے آیگا اَت و هماییئے نێمگا پێداک اَت که چه زمانگان هست‌اِنت و آییئے دێما آرگ و پێش کنگ بوت.

دانیال 7:15

منِ دانیالئے اَرواه پرێشان اَت. منی دل و دَماگئے شُبێن و اِلهامان منا تُرسێنت.

دانیال 7:7

اِشیا پد، من اَنگت شپئے اِلهام و شُبێنان گِندَگا اَتان و چارمی جانوَرُن دیست. اے تُرسناک، هئیبتناک و سکّ زۆرمند اَت. اِشیا دراجێن آسنێن دنتان پِر اَت. وتی شکاری پرۆشت و اێر بُرت و سَرارۆکی پادانی چێرا لپاشتنت. چه آ پێسریگێن سجّهێن جانوَران جتا اَت و دَه کانٹی پِر اَت.

دانیال 8:1

بادشاه بِلشازَرئے دئورئے سئیمی سالا منِ دانیالا دگه اِلهامے بوت، چه آییا و رَند که منا پێسرا بوتگ‌اَت.

پولُسئے کاگد په رومیان 15:4

هر چیزّے که پێسرا نِبیسگ بوتگ، په مئے تالیما بوتگ، تان گۆن پاکێن کتابئے بَکشتگێن سَبر و دِلبڈّیا مارا اُمێت برسیت.

اِلهام 1:19

پمێشکا هرچے که تئو دیست، هرچے که انّون بئیگا اِنت و هرچے که دێمترا بیت، نبشتهِش کن.

اِلهام 10:4

وهدے هپتێن گْرندان هبر کرت من لۆٹت بنبیسانِش، بله تئوارے چه آسمانا اِشکتُن، گوَشگا اَت: ”هرچے که هپتێن گْرندان گوَشت، چێرِش بدئے و نبشته‌اِش مکن.“