دانیال 6:3 - هُدائے پاکێن کتاب، بلۆچی زبانا

³ دانیال، وتی اجبێن روهئے سئوبا، زوت چه اے سروزیر و والیان دێما در آتک. چه دانیالئے لاهکیا، بادشاها هئیال کرت که سجّهێن مُلکئے زمّهواریان هماییا بدنت.

دانیال 6:3 Cross References

دانیال 5:12

چێا که اے دانیال، که بادشاها آییئے نام بِلْتِشازَر کرتگ، اِشیا اَجبێن روهے، زانت و سرپدیے هست‌اَت. آ واب و چاچانی مانا کنگ و گرانێن جێڑهانی گیشّێنگا سکّ بلد اَت. دانیالا لۆٹاێن، هما ترا اِشیئے مانایا گوَشتَ کنت.“

دانیال 5:14

من انّون سهیگ بوتگان که ترا هُدایانی روهے مان اِنت و ترا باتنی رُژنایی، سَرپدی و اجبێن هکمتے هست.

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

دانیال 9:23

تئیی دْوایانی بُنگێجا پسّئوے آتکگ‌اَت و من آتکگان که ترا هال بدئیان چێا که تئو هُدایا سکّ دۆست ائے. گڑا پسّئوا شرّیا دلگۆش کن و شُبێنا سرپد بئے.