دانیال 4:8 - هُدائے پاکێن کتاب، بلۆچی زبانا

⁸ بله گُڈسرا دانیال که آییئے نام، منی هُدائے نامئے هسابا بِلْتِشازَر اِنت، منی کِرّا آتک. آییا پاکێن هُدایانی روه مان اِنت. من گۆن آییا وتی واب گوَشت:

دانیال 4:8 Cross References

پێدایش 41:38

پِرئونا گۆن وتی هِزمتکاران گوَشت: ”دگه چُشێن مردمے درَ کپیت که اے مردئے پئیما هُدائے روه آییا مان ببیت؟“

دانیال 1:7

دربارئے کارمَستِرا آیانا نۆکێن نام پِر کرت. دانیالئے نامی بِلتِشازَر، هَنانیائے شَدرَک، میشاێلئے میشَک و اَزَریائے اَبِدنِگۆ کرت.

دانیال 2:11

اے کارا که تئوِ بادشاه لۆٹگا ائے، سکّ گران اِنت. چه هُدایان اَبێد، اے هبرا کسّ بادشاها گوَشتَ نکنت، و هُدا وَه اِنسانانی نیاما نَنِشتگ‌اَنت.“

دانیال 2:26

بادشاها گۆن دانیالا که دومی نامی بِلْتِشازَر اَت، گوَشت: ”تئو منی دیستگێن وابا و آییئے مانایا منا گوَشتَ کنئے؟“

دانیال 3:14

نِبوکَدنِزَرا گۆن آیان گوَشت: ”او شَدرَک، میشَک و اَبِدنِگۆ! اے راست اِنت که شما منی هُدایانی هِزمتا نکنێت و منی مِکّ کناێنتگێن تلاهێن بُت سُجده نکرتگ؟

دانیال 4:18

اے هما واب اِنت که منِ بادشاه نِبوکَدنِزَرا دیستگ. او بِلْتِشازَر! نون تئو اِشیا مانا کن، پرچا که منی بادشاهیئے هچّ دانا اِشیا مانا کرتَ نکنت، بله تئو کرتیَ کنئے چێا که ترا پاکێن هُدایانی روه مان اِنت.“

دانیال 4:9

”او بِلْتِشازَر، نجومیانی مستر! منَ زانان که ترا پاکێن هُدایانی روه مان اِنت و هچّ رازئے زانگ په تئو گران نه‌اِنت. اے منی واب اِنت که من دیستگ، نون په من مانایی کن.

دانیال 5:14

من انّون سهیگ بوتگان که ترا هُدایانی روهے مان اِنت و ترا باتنی رُژنایی، سَرپدی و اجبێن هکمتے هست.