دانیال 3:12 - هُدائے پاکێن کتاب، بلۆچی زبانا

¹² بله او بادشاه! لهتێن یَهودی هست: شَدرَک، میشَک و اَبِدنِگۆ، هما که تئو بابِلئے دَمگئے سرکاری کارانی اُگده داتگ‌اَنت، آیان تئیی هُکم نمَنِّتگ. اے مردم نه تئیی هُدایانی هِزمتا کننت و نه تئیی مِکّ کناێنتگێن تلاهێن بُتا سجدهَ کننت.“

دانیال 3:12 Cross References

دانیال 1:7

دربارئے کارمَستِرا آیانا نۆکێن نام پِر کرت. دانیالئے نامی بِلتِشازَر، هَنانیائے شَدرَک، میشاێلئے میشَک و اَزَریائے اَبِدنِگۆ کرت.

دانیال 2:48

پدا بادشاها دانیال مسترێن اُگدهے و بازێن تهپه و ٹێکیے دات، بابِلئے دَمگئے هُکمرانی‌ای سَرجما هماییئے دستا دات و بابِلئے سجّهێن دانایانی سرمستری کرت.

دانیال 2:49

نون دانیالا گۆن بادشاها دزبندی کرت و بادشاها شَدرَک، میشَک و اَبِدنِگۆ بابِلئے دَمگئے کارانی مستر کرتنت. دانیال وت بادشاهئے دَربارا نِشت.

دانیال 3:11

هرکَس که دێم په چێرَ نکپیت و سُجدهَ نکنت، رۆکێن کورَهئے تها دئور دئیگَ بیت.‘

دانیال 3:16

شَدرَک، میشَک و اَبِدنِگۆا بادشاهئے پسّئوا گوَشت: ”او بادشاه نِبوکَدنِزَر! مارا اے بارئوا هچّ پسّئو دئیگئے زَلورَت نه‌اِنت.

دانیال 3:29

پمێشکا من هُکمَ دئیان که هرکَس ببیت، چه هر کئوم، راج و زُبانا که شَدرَک، میشَک و اَبِدنِگۆئے هُدائے بارئوا هرابێن هبرے بکنت، آ ٹُکّر ٹُکّر کنگَ بیت و آییئے لۆگ برباد کنگ و هاکۆٹے جۆڑ کنگَ بیت. چێا که دگه هچّ هُداے نێست که چُش رَکّێنت بکنت.“

دانیال 3:30

پدا بادشاها شَدرَک، میشَک و اَبِدنِگۆ، بابِلئے دَمگا مسترێن اُگده داتنت.

دانیال 6:13

نون آیان گۆن بادشاها گوَشت: ”دانیال که چه یَهودائے دَرانڈێهان یکّے، تئیی جند و تئیی دَسهَتّ کرتگێن پَرمانی هچّ دلگۆش نکرتگ، او بادشاه! رۆچے سئے رندا اَنگت وتی هُدائے کِرّا دْوا لۆٹگا اِنت.“

دانیال 6:14

بادشاها که اے هبر اِشکت، سکّ پرێشان بوت. اِرادهی کرت که دانیالا رَکّێنان و تان بێگاها همے جُهدا اَت که چۆن آییا برَکّێنیت.

کاسِدانی کار 17:7

یاسونا هم وتی لۆگا برتگ‌اَنت. رومئے کئیسَرئے ناپرمانیا کننت و گوَشنت دگه بادشاهے هست که نامی ایسّا اِنت.“

کاسِدانی کار 5:28

”ما هُکم نکرتگ‌اَت دگه برے په اے ناما مردمان درس و سَبکّ مدئیێت؟ بله شما اورشَلیمئے سَرجمێن شهر گۆن وتی تالیمان پُرّ کرتگ. لۆٹێت آ مردئے هۆنا مئے گردنا بلَڈّێت؟“