دانیال 1:4 - هُدائے پاکێن کتاب، بلۆچی زبانا

⁴ اَنچێن وَرنا که هچّ پئیمێن بدَنی ائیبِش مان مبیت و رنگا ڈئولدار ببنت، هر ڈئولێن هکمتا بلَد بئیگئے لاهک، زانتکار و زوت‌پَهم ببنت و بادشاهئے بارگاها اۆشتگا بِکَرزنت. پدا اے وَرنایان بابِلئے اَرَمایی زبان و لبزانکا بوانێن.

دانیال 1:4 Cross References

پێدایش 41:46

وهدے ایسُّپا مِسرئے بادشاه پِرئونئے هِزمت بندات کرت، اُمری سی سال اَت. ایسُّپ چه پِرئونئے دربارا پاد آتک و سجّهێن مِسرا گَشت.

دانیال 2:10

نجومیان، بادشاهئے پسئوا گوَشت: ”او بادشاه! دنیایا هچّ چُشێن مردمے نێست که اے کارا کرت بکنت. هچّ بادشاها، هرچُنت که مزن و زۆراور ببیت، هچبر چه هچّ جادوگر، ساهر و نجومیا چُشێن پَرمایشے نکرتگ.

دانیال 2:2

گڑا بادشاها جادوگر، ساهِر، جِنّ‌بَند و نجومیانی لۆٹاێنگئے هُکم دات که آییئے وابان مانا بکننت. آ، آتک و بادشاهئے دێما اۆشتاتنت.

دانیال 3:8

هما وهدا، لهتێن بابلی مردم دێما آتک و یَهودیانی شکایَتِش کرت.

دانیال 4:7

وهدے جادوگر، ساهر، نجومی و اِستارزانت آتکنت، من گۆن آیان وتی واب گوَشت بله آیان منی واب مانا کرت نکرت.

دانیال 5:11

تئیی بادشاهیا مردے هست که آییا پاکێن هُدایانی روه مان اِنت و تئیی پیرُکئے دئورا گِندَگ بوتگ که آییا باتنی رُژنایی، سَرپدی و هکمت و هُدایانی ڈئولێن داناییے گۆن. تئیی بادشاهێن پیرُک، نِبوکَدنِزَرا اے مَرد جادوگر، ساهر، نجومی و اِستارزانتانی مستر کرتگ‌اَت،

دانیال 5:7

بادشاها کُوکّار کرت و هُکم دات که ساهر، نجومی و اِستارزانتان بیارێت. گۆن بابِلئے دانایان گوَشتی: ”هما کَس که اے نبشتها بوانیت و مانا بکنت، آ جَمورنگێن گُد و تلاهێن هارے گْورا دئیگَ بیت و بادشاهیئے سئیمی هُکمران کنگَ بیت.“

دانیال 9:1

داریوشِ هَشایارشاهئے دئورئے ائولی سالا، هما که زاتا مادے اَت و بابلیانی مُلکئے بادشاه بوت،

کاسِدانی کار 7:20

همے وهدا، موسّا پێدا بوت. آ باز شررَنگ و ڈئولدارێن چُکّے اَت. تان سئے ماها وتی پت و ماتئے لۆگا رُست و رُدۆمی کرت.

کاسِدانی کار 7:22

موسّایا مِسریانی سجّهێن زانت و زانتکاری در برت و په کِردار و گُپتارا توانمندێن مردے بوت.