کاسِدانی کار 9:3 - هُدائے پاکێن کتاب، بلۆچی زبانا

³ وتی سات و سپرا، وهدے دَمِشْکئے شهرئے نزّیکّا رَست، اَناگت آییئے چپّ و چاگردا چه آسمانا رُژنے دْرپشت.

کاسِدانی کار 9:3 Cross References

زَبور 104:2

نورا چۆ کباهێا گوَرا کنئے، آسمانا تمبوێئے پئیما پَچَ کنئے و

کاسِدانی کار 22:6

راها، وهدے دَمِشْکئے شهرئے نزّیکّا رَستگ‌اَتان، نێمرۆچئے وهدا اَناگت چه آسمانا منی چپّ و چاگردا تْرندێن رُژنے دْرپشت.

کاسِدانی کار 9:17

هَنّانیا شت و هما لۆگا رَست، شاوولی دست پِر مُشت و گوَشتی: ”او منی براتێن شاوول! هما هُداوند بزان ایسّا، که راها په تئو زاهر بوت، منا راهی داتگ که تئو پدا بگندئے و چه هُدائے پاکێن روها پُرّ ببئے.“

کاسِدانی کار 9:27

بله بارنابایا وتی همراه کرت و کاسِدانی کِرّا برت، آ سهیگ کرتنت که چِه پئیما شاوولا دَمِشْکئے راها هُداوند دیستگ و هُداوندا گۆن آییا گپّ و تْران کرتگ. بارنابایا اے هال هم دات که شاوولا دَمِشْکئے شهرا چِه پئیما گۆن دِلێری په ایسّائے ناما واز کرتگ.

په تیموتاووسا پولُسئے ائولی کاگد 6:16

هما که یکّ و تهنا نمیران اِنت و آییئے دَرگاه اَنچێن رُژنے که کسّ اۆدا رَستَ نکنت و کسّا ندیستگ و دیستی هم نکنت. آییئے شرَپ و اِزّت و زۆر و واک تان اَبد برجاه بات. اَنچُش بات. آمین.

اِلهام 21:23

و شهرا نه رۆچ پکار اِنت و نه ماه که آییا رُژنا بکننت، چێا که هُدائے شان و شئوکت اِشیا رُژنا کنت و گوَرانڈ اِشیئے چراگ اِنت.

اِلهام 22:5

اۆدا هچبر شپَ نبیت، چراگ و رۆچئے رُژنئے زلورتَ نبیت، چێا که هُداوندێن هُدا وت آیانی سرا وتی رُژنا دْرپشێنیت و آ، اَبد تان اَبد هُکمرانیَ کننت.