کاسِدانی کار 7:2 - هُدائے پاکێن کتاب، بلۆچی زبانا

² اِسْتیپانا پَسّئو دات: ”او پت و براتان! دلگۆش کنێت: پُرشئوکتێن هُدا، هما وهدا مئے بُنپیرُک اِبراهێمئے دێما زاهر بوت که آ اَنگت بئین‌النهرئینا اَت و هارانا جَهمنند نبوتگ‌اَت.

کاسِدانی کار 7:2 Cross References

پێدایش 11:31

تێرایا وتی چُکّ اِبرام و نُماسگ لوت، که هارانئے چُکّ اَت و وتی نِشار، بزان اِبرامئے جَن سارایی زُرتنت و چه کَلدانیانی شهر اورا در آتک. اے سجّهێن دێم په کَنهانئے سرڈگارا راه گپتنت، بله وهدے هارانئے شهرا رستنت، همۆدا نِشتنت.

پێدایش 12:1

هُداوندا گۆن اِبراما گوَشت: ”وتی مُلک، وتی سیاد و وارس و وتی پتئے لۆگا یله دئے و چه اِدا هما مُلکا برئو که من ترا پێشیَ داران.

پێدایش 12:5

اِبراما وتی لۆگی سارایی و برازاتک لوت همراه کرتنت و دێم په کَنهانا راه گپت. هما سجّهێن مال که آیان مُچّ کرتگ‌اَتنت و هما مردم که هارانا آیانی دستا کپتگ‌اَتنت، آییا گۆن وت بُرتنت گۆن. کَنهانئے سرڈگارا آتک و رستنت.

پێدایش 15:7

نون هُداوندا گۆن آییا گوَشت: ”من هما هُداوند آن که ترا چه کَلدانیانی شهر اورا دَرُن کرت و آورت که اے سرڈگارا ترا بدئیان و تئو اِشیئے واهند ببئے.“

پێدایش 29:4

آکوبا گۆن آیان گوَشت: ”براتان! شما کُجیگ اێت؟“ پَسّئواِش دات: ”هارانئے مردم اێن.“

زَبور 24:10

مزنی و شانئے اے بادشاه کئے اِنت؟ لشکرانی هُداوند هما اِنت مزنی و شانئے بادشاه. اۆشت...

زَبور 24:7

او دروازگان! وتی سرا بُرز بدارێت. او کوَهنێن در و دپیگان! وتا په شاهگانی پَچ کنێت، تانکه مزنی و شانئے بادشاه بگوَزیت.

زَبور 29:3

هُداوندئے تئوار آپانی سربُرا اِنت، شان و شئوکتئے هُدا گْرندیت، هُداوند پُرزۆرێن آپانی سربُرا گْرندیت.

مَتّا 6:13

مارا آزمائِش و چَکّاسا دئور مدئے و چه شئیتانا برَکّێن.‘

لوکا 2:14

”شان و شئوکت بُرزێن اَرشئے هُدایا بات و زمینئے سرا سُهل و اێمنی په هما مردمان بات که هُدا چه آیان وشّ و وَشنۆد اِنت.“

یوهَنّا 1:14

گال اِنسان بوت و مئے نیاما جاگهی کرت. ما آییئے شان و شئوکت دیست، هما شان و شئوکت که پتئے یکّێن چُکّئیگ اِنت، هما چُکّ که چه رهمت و راستیا سَررێچ اِنت.

یوهَنّا 12:41

اِشئیایا ایسّائے شان و شئوکت دیست، پمێشکا آییئے بارئوا اے هبری کرت.

کاسِدانی کار 22:1

”او پت و براتان! منا اے هَکّا بدئیێت که شمئے دێما وتی دێمپانیا بکنان.“

کاسِدانی کار 23:7

اَنچُش که آییا اے هبر کرت، سرۆکانی دیوانئے پَریسی و سَدوکی باسکانی نیاما جێڑهے پاد آتک و دیوان دو بهر بوت.

کاسِدانی کار 7:1

مسترێن دینی پێشوایا چه اِسْتیپانا جُست کرت: ”بارێن، اے تُهمت راست اَنت؟“

آکوب 2:1

او منی براتان! شما که مئے مَزَن‌شانێن هُداوند ایسّا مَسیهئے باوَرمند اێت، مردمانی نیاما پَرک و پێر کرتَ نکنێت.

اِلهام 4:11

”مئے هُداوند و مئے هُدا! تئو شان و شئوکت، اِزّت و زۆرَ کرزئے، چێا که تئو سجّهێن چیزّ اَڈّ کرتگ‌اَنت و سجّهێن چیزّ چه تئیی واهگا جۆڑ بوتگ و هست‌اَنت.“