کاسِدانی کار 2:1 - هُدائے پاکێن کتاب، بلۆچی زبانا

¹ وهدے پِنْتیکاسْتئے رۆچ آتک، سجّهێن یکجاه مُچّ اَتنت.

کاسِدانی کار 2:1 Cross References

زَبور 133:1

چۆن وشّ و دلکَشّ اِنت که هُدائے مردم په تپاکی هۆر بنندنت.

دَرگوَز 23:16

رۆن و مۆشئے ائییدا گۆن وتی هما کِشارانی ائولی بَر و سَمران جشن بگر که تئو وتی ڈگارا کِشتگ‌اَنت. اێرَهتئے ائییدا سالئے گُڈّی رۆچان جشن بگر، هما وهدا که وتی ڈگارئے بَر و سَمرا مُچَّ کنئے.

دَرگوَز 34:22

هپتگانی ائییدا، بزان گندمئے ائولی بَر و سَمرئے رُنَگئے ائییدا برجاه بدار. سالئے گُڈسَرا رۆن و مۆشئے ائییدا هم برجاه بدار.

کاسِدانی کار 1:5

یَهیایا مردم گۆن آپا پاکشۆدی داتگ‌اَنت، بله پتئے واده اِش اِنت که لهتێن رۆچا و رَند شما چه هُدائے پاکێن روها پاکشۆدی دئیگَ بێت.“

کاسِدانی کار 1:8

بله وهدے پاکێن روه شمئے دلانَ نندیت، شمارا وس و واکَ رسیت و اورشَلیمئے شهرا، یَهودیَه و سامِرَهئے دَمگان، تان سَرجمێن دنیائے گُڈّی مرز و سیمسران هم، په من شاهدیَ دئیێت و منی وشّێن مِستاگا رَسێنێت.“

کاسِدانی کار 2:46

آ، هر رۆچ گۆن همدلی، مزنێن پرستشگاها مُچَّ بوتنت و وتی لۆگان هم په وشّی و دلسِتکی نانِش بهرَ کرت و هۆریگا وراکِشَ وارت.

کاسِدانی کار 20:16

پولُسئے شئور اَت، اِپێسُسئے شهرا هچّ مه‌اۆشتیت، تانکه آسیائے دَمگا باز مهتل مبیت. آییا اِشتاپ اَت که اگن بوتَ کنت پِنْتیکاسْتئے ائییدئے رۆچا اورشَلیما ببیت.

کاسِدانی کار 4:24

آیان که اِشکت، یکدل و همتئوار هُدائے بارگاها دْوا کرت و گوَشتِش: ”او زۆرمندێن هُداوند، آسمان و زمین و دریائے اَڈّ کنۆک و هر چیزّے که آیانی تها اِنت!

کاسِدانی کار 4:31

چه آیانی دْوایا رند، آ جاگه که اۆدا مُچّ اَتنت لَرزت، سجّهێن چه پاکێن روها سررێچ بوتنت و هُدائے هبرِش په دِلێری درشان کرت.

کاسِدانی کار 4:32

سجّهێن باوَرمند یکدل و یکجان اَتنت، هچکَسا وتی مال و هستی تهنا وتیگَ نزانت و سجّهێن چیزّان شریکدار اَتنت.

کاسِدانی کار 5:12

چه کاسِدانی دستا، مردمانی نیاما بازێن اَجَبَّتێن نشانی و اَجِکّایی زاهر و پَدّرَ بوت. سجّهێن باوَرمند، گۆن همدلی و همسِتکی سُلئیمانئے پێشگاها مُچَّ بوتنت.

پولُسئے کاگد په رومیان 15:6

تان شما په همدلی و همتئواری هُدا، بزان مئے هُداوندێن ایسّا مَسیهئے پِتا، ستا و سنا بکنێت.

په پیلیپیان پولُسئے کاگد 1:27

تُرے هرچے ببیت، وتی زِندا اَنچُش بگوازێنێت که مَسیهئے وشّێن مِستاگا بکرزێت. گڑا اگن من شمئے چارگا بیایان یا چه شما دور ببان، بَسّ سهیگ ببان که شما یَکدل و یکجان اێت و مُهر اۆشتاتگێت و په وتی باوَرا، بزان په وشّێن مِستاگا په همدلی جُهد کنگا اێت و

په پیلیپیان پولُسئے کاگد 2:2

گڑا تِپاک ببێت، بێگَرَزێن مِهرێئے واهُند ببێت، اَرواها یکّ ببێت، همپِگر ببێت و اے پئیما منی شادمانیا سَرجم و کامِل بکنێت.