په تیموتاووسا پولُسئے دومی کاگد 4:21 - هُدائے پاکێن کتاب، بلۆچی زبانا

²¹ زوتّ کن و چه زمستانا پێسر وتا اِدا سر کن. یوبولوس ترا سلام کنگا اِنت، اَنچُش هم پودِنس و لینوس و کْلادیا و سجّهێن برات.

په تیموتاووسا پولُسئے دومی کاگد 4:21 Cross References

لوکا 12:58

وهدے گۆن وتی دئینکارا هَکدیوانا رئوئے، جُهد کن راها گۆن آییا په سُهل و سَلاه برسئے. چُش مبیت که ترا کازیئے کِرّا ببارت و آ ترا سپاهیگئے دستا بدنت و سپاهیگ ترا بَندیجاها ببارت و جێل بکنت.

په پیلیپیان پولُسئے کاگد 4:22

سجّهێن پَلگارتگێن برات و گهار شمارا سلامَ کننت، هاس کئیسَرئے لۆگئے مردم.

په تیموتاووسا پولُسئے دومی کاگد 1:4

تئیی اَرسانی تْرانگا که کپان، منا په تئیی دیدارا زهیرَ کنت که ترا بگِندان و گَلا بال ببان.

په تیموتاووسا پولُسئے دومی کاگد 4:13

وهدے کائے، هما کباه که من تْرواسئے شهرا کارپوسئے کرّا اێر کُرت، آییا گۆن وت بیار و منی توماران هم، هاس هما که چه پۆستا اَڈّ کنگ بوتگ‌اَنت.

په تیموتاووسا پولُسئے دومی کاگد 4:9

زوتّ کن و وتا په من سر کن.

په تیتوسا پولُسئے کاگد 3:12

من اَرتِماسا یا تیکیکاسا تئیی کرّا راهَ دئیان. اَنچۆ که کئیت، تئو جُهد بکن که نیکوپُلیسئے شهرا، منی کرّا بیائے، چێا که منی اِراده اِنت که برئوان و زمستانا همۆدا بگوازێنان.

یوهَنّائے دومی کاگد 1:13

تئیی گچێنیێن گهارئے چُکّ ترا بَڈّے دْرۆت و دْرَهباتَ گوَشنت.

یوهَنّائے سئیمی کاگد 1:14

اُمێتوار آن که په همے زوتّان ترا بگندان و دێم په دێم گپّ و تْران بکنێن.