په تیموتاووسا پولُسئے دومی کاگد 3:8 - هُدائے پاکێن کتاب، بلۆچی زبانا

⁸ انچۆ که یَنّیس و یَمبْریس موسّائے هلاپ اَتنت، همے ڈئولا اے رَدێن تالیم دئیۆک هم راستیئے هلاپ اَنت، سلّێن پگر و هئیال و دْرۆگێن ایمانئے واهُند اَنت.

په تیموتاووسا پولُسئے دومی کاگد 3:8 Cross References

دَرگوَز 7:11

گڑا پِرئونا دانا و ساهِر لۆٹاێنتنت و اے مِسری جادوگران گۆن وتی جادوا همے کار کرت.

دَرگوَز 7:22

بله مِسری جادوگران هم گۆن وتی جادوا همے کار کرت و هما پئیما که هُداوندا گوَشتگ‌اَت، پِرئونئے دل سِنگ اَت و موسّا و هارونئے هبری گۆش نداشتنت.

دَرگوَز 8:18

جادوگران گۆن وتی جادوا وَس کرت که پَشّگ بیارنت، بله آورتِش نکرت. پَشّگ مردم و جانوَران پِر لِچِّتگ‌اَتنت.

دَرگوَز 8:7

بله جادوگران هم گۆن وتی جادوا اَنچُش کرت و پُگُل چه آپان در آتک و مِسرئے مُلکا شِنگ بوتنت.

کاسِدانی کار 15:24

ما اِشکتگ که بے مئے پرمانا چه مئے نیاما لهتێن باوَرمند همانگُر آتکگ و گۆن وتی هبران شمارا دِلتپرکه و پرێشانِش کرتگ.

پولُسئے کاگد په رومیان 1:28

آیان هُداپَجّاری پُراَرزش و اَلّمێن کارے نزانت و هُدایا هم آ، بێننگێن پِگر و هئیالانی تها یله کرتنت تان ناراهێن کارانی تها بکپنت.

پولُسئے کاگد په رومیان 16:18

چێا که چُشێن مردم مئے هُداوند مَسیهئے هِزمتا نکننت، آ وتی لاپئے گُلام اَنت و گۆن وتی نرم و چرپێن زبانا سادَهێن مردمان رَدَ دئینت.

په تیموتاووسا پولُسئے ائولی کاگد 1:19

وتی ایمان و پاکێن زمیرا برجاه داشت بکنئے. لهتێن مردما وتی زمیرئے تئوار گۆش نداشتگ و وتی ایمانِش زئوال کرتگ.

په تیموتاووسا پولُسئے ائولی کاگد 4:2

اے تالیم چه درۆگبندانی دوتَل و دوپۆستیا پێدا بنت. اے درۆگبندانی زمیر گۆن تَپتگێن آسِنێا داگ دئیگ و کُشگ بوتگ.

په تیموتاووسا پولُسئے ائولی کاگد 6:5

دائِمی جێڑه و جَنجال اِنت که آیانی پگر و هئیال سِلّ تَرّتگ‌اَنت و آ چه راستیا دور برگ بوتگ‌اَنت. اِشانی گُمان همش اِنت که هُداتُرسی پائدگمندێن کار و بارے.

په تیموتاووسا پولُسئے دومی کاگد 4:15

تئو هم وتا چه آییا دور بدار، چێا که مئے پئیگامئے سکّ هلاپ اَت.

په تیتوسا پولُسئے کاگد 1:10

چێا که سَرکشّێن مردم و پوتّار و پرێبکار باز اِنت، هاس سُنّت کنگئے منّۆکانی تها.

په تیتوسا پولُسئے کاگد 1:16

اے مردمَ گوَشنت که ما هُدایا زانێن، بله آیانی کار پێشَ دارنت که آییا نزاننت. چُشێن مردم بَژّناک اَنت، ناپرمان اَنت و هچّ شرّێن کارئے کابِل نه‌اَنت.

پِتْرُسئے دومی کاگد 2:14

گۆن ناپاک و زِنهکارێن چمّان، هچبر چه گناها سێرَ نبنت و سُست و نِزۆرێن مردمان په مَندر و رِپک وتی داما پِرّێننت. اے مردم تَماه و لالچا بلد و زانتکار اَنت، نالت بوتگێن اَنت.

یوهَنّائے ائولی کاگد 2:18

او چُکّان! نون گُڈّی دمان و ساهت اِنت. هما دابا که شما اِشکتگ، ”مَسیهئے دژمن“ پێداک اِنت، همے انّون هم مَسیهئے بازێن دژمنے آتکگ و چه همِشیا زانێن که ساهت، گُڈّی ساهت اِنت.

یوهَنّائے ائولی کاگد 4:1

او دُردانگان! هر روهێئے سرا باور مکنێت، روهان آزمائِش کنێت و بچَکّاسێت که بارێن چه هُدائے نێمگا اَنت یا نه؟ چێا که بازێن درۆگێن نبیے دنیائے چارێن کُنڈان پُترتگ.

اِلهام 2:20

بله منا چه تئو یکّ گِلَگے هست که تئو هما جنێن، ایزابِلا سگّگا ائے که وتا پئیگمبرے گوَشیت. آ تالیم دئیگا اِنت و منی هِزمتکاران گُمراه کنگا اِنت. آیان بێراه و رهبندێن وپت و واب و هما کُربانیگانی ورگئے سۆجا دئیگا اِنت که په بُتان کنگ بوتگ‌اَنت.

اِلهام 2:6

بله ترا اے شَرّی هست‌اِنت که تئو هم چه نیکولاییتانی کاران نپرتَ کنئے و من هم نپرتَ کنان.