په تیموتاووسا پولُسئے دومی کاگد 2:3 - هُدائے پاکێن کتاب، بلۆچی زبانا

³ ایسّا مَسیهئے شرّێن سپاهیگێئے پئیما سکّی و سۆریانی سگّگا گۆن بئے.

په تیموتاووسا پولُسئے دومی کاگد 2:3 Cross References

کاسِدانی کار 23:31

گڑا سپاهیگان، پرمانئے سرا، هما شپا پولُس چه اورشَلیما زرت و اَنْتیپاتْریسئے شهرا رَسێنت.

په تیموتاووسا پولُسئے ائولی کاگد 1:18

تیموتاووس، منی چُکّ! من ترا اے هُکما، هما پێشگۆییانی بُنیادا دئیان که یک رندے تئیی بارئوا کنگ بوتگ‌اَنت تانکه تئو آیانی تْرانگا بکپئے و اے نێکێن جُهدا کُرت بکنئے و

په تیموتاووسا پولُسئے دومی کاگد 1:1

چه پولُسئے نێمگا، منِ پولُس که چه هُدائے رزایا ایسّا مَسیهئے کاسِدے آن تانکه هما زِندئے کئول و وادهئے جارا بجنان که چه ایسّا مَسیها رسیت،

په تیموتاووسا پولُسئے دومی کاگد 1:8

گڑا مئے هُداوندئے بارئوا شاهدی دئیگا لَجّ مکن. منی هالتئے سرا هم شرمندگ مبئے که من په هُداوندئیگی بندیگ آن. من په وشّێن مِستاگا اے سکّی و سۆریان که برداشت کنگا آن، تئواِش هم گۆن هُدائے بَکشاتگێن زۆرا برداشت کن.

په تیموتاووسا پولُسئے دومی کاگد 2:10

گڑا هُدائے گچێن کرتگێنانی هاترا من هر چیزَّ سگّان که آیان هم نجات برسیت. اے نجات و اِشیئے ابدمانێن شان و شئوکت ایسّا مَسیهئے سرا ایمان آرگئے برکتا رسیت.

په تیموتاووسا پولُسئے دومی کاگد 2:9

په همِشیا سکّی و سۆریَ سگّان، تنتنا چۆ ردکارا زمزیلان بَستگ آن. بله هُدائے هبر زمزیلان نبَستگ.

په تیموتاووسا پولُسئے دومی کاگد 3:11

هما آزار و سکّی و سۆریانی بارئوا هم زانئے که اَنتاکیَه و اِکۆنیَه و لِستْرَهئے شهران منی سرا کپتنت. من اے آزار سَگّتنت و هُداوندا منا چه اے سجّهێنان نِجات دات.

په تیموتاووسا پولُسئے دومی کاگد 4:5

بله هر هالت و جاورێا ترا داشت ببیت، سَکّی و سۆری بِسَگّ، وَشّێن مستاگئے جار جنَگئے کارا دێما بران کن و وتی هِزمتکاریئے زِمّها سرجم کن.

په پیلیمونا پولُسئے کاگد 1:2

گهارێن اَپیَه و همراهێن جُهدکار اَرْکیپوس و په هما باوَرمندان که شمئے لۆگا په اِبادتا یکجاهَ بنت.

آکوب 1:12

بَهتاور هما اِنت که وتی آزمائِش و چَکّاسان مُهرَ اۆشتیت. پرچا که وهدے آ چه چَکّاسان سربلندَ بیت، زِندمانئے هما تاج آییا رسیت که هُدایا په وتی دۆست دارۆکان واده کرتگ.