په تِسالونیکیان پولُسئے دومی کاگد 3:3 - هُدائے پاکێن کتاب، بلۆچی زبانا

³ بله هُداوند وتی کئولئے سرا اۆشتاتگ و شمارا مُهر و مهکمَ کنت و چه شِرّ و شئیتانا دورَ داریت.

په تِسالونیکیان پولُسئے دومی کاگد 3:3 Cross References

پێدایش 48:16

هما پرێشتگ که منا چه هر تاوانا رَکّێنتگی، اے چُکّان برکت بدئیات. اے منی نامئے سرا و منی پت و پیرُکئے نامئے سرا بزان اِبراهێم و اِساکئے ناما زانَگ باتنت و زمینئے سرا سکّ باز باتنت.“

زَبور 121:7

هُداوند ترا چه هر بدیا دورَ داریت، تئیی زِندئے نِگهپان اِنت،

زَبور 19:13

وتی هزمتکارا چه گُروناک و پُرکِبرێن کار و کِردان بدار، مئیل که منی سرا بالادست ببنت. هما وهدا تمان و بےائیبَ بان و چه هر مزنێن گناها پاک.

مَتّا 5:37

پمێشکا اۆدا که ’هئو‘ گوَشگی اِنت، بگوَشێت ’هئو‘ و اۆدا که ’اِنّه‘ گوَشگی اِنت، بگوَشێت ’اِنّه‘. چه اِشیا گێشتر شئیتانئے کار اِنت.

مَتّا 6:13

مارا آزمائِش و چَکّاسا دئور مدئے و چه شئیتانا برَکّێن.‘

لوکا 11:4

مئے گناه و رَدیان ببَکش، اَنچُش که ما وتی سجّهێن دئینکارانَ بَکشێن. مارا آزمائِش و چَکّاسا دئور مدئے.‘“

یوهَنّا 17:15

اے دْوایا نکنان که اِشان چه دنیایا ببر، دْوا کنان که اِشان چه شِرّ و شئیتانا دور بدار.

په تِسالونیکیان پولُسئے ائولی کاگد 5:24

هما هُدا که شمارا تئوارَ کنت، وتی کئولئے سرا اۆشتاتگ و اے کارا کنت.

په تِسالونیکیان پولُسئے دومی کاگد 2:17

شمئے دلا ڈَڈّ کنات و شمارا په هر شَرّێن کردار و گُپتارا زۆرمند کنات.

په تیموتاووسا پولُسئے دومی کاگد 4:18

هُداوند منا چه هر پئیمێن شِرّ و بَدا رکّێنیت و منا په سلامتی وتی آسمانی بادشاهیا سرَ کنت. آییئے شان و شئوکت برجاه بات، اَبد تان اَبد. اَنچُش بات. آمین.

پِتْرُسئے ائولی کاگد 5:10

نون هُدا، که سجّهێن رهمتانی مالک اِنت و شمارا چه مَسیهئے راها دێم په هما اَبدمانێن شئوکتا گْوانکی جتگ، شمئے کمّێن سکّی و سۆرێئے سگّگا رند، شمارا نۆکسرا توانَ دنت، مُهر و مُهکمَ کنت و پایداری و زۆرَ بَکشیت.

پِتْرُسئے دومی کاگد 2:9

گڑا همے پئیما هُداوندَ زانت که وتی پهرێزکارێن مردمان چۆن چه چَکّاسان برَکّێنیت و بدکاران سِزا بدنت تان هما وهدا که دادرسیئے رۆچ برسیت.

یَهودائے کاگد 1:24

هما که شمارا چه ٹَگل ورگ و کپگا مُهر داشتَ کنت و بےائیب و گۆن مزنێن شادمانیے شمارا وتی پرشئوکتێن درگاها برت و سر کرتَ کنت،