په تِسالونیکیان پولُسئے دومی کاگد 3:2 - هُدائے پاکێن کتاب، بلۆچی زبانا

² دْوا کنێت که ما چه بدکار و ردکارێن مردمان برکّێن، چێا که هر مردم باورمند نه‌اِنت.

په تِسالونیکیان پولُسئے دومی کاگد 3:2 Cross References

مَتّا 17:17

ایسّایا گوَشت: ”او بێباور و گُمراهێن نَسل و پَدرێچ! من تان کدێنا گۆن شما بمانان؟ تان چینچُک وهدا شمارا بسگّان؟ چُکّا اِدا منی کِرّا بیارێت.“

مَتّا 23:23

بَژن و اَپسۆز په شما، او شَریَتئے زانۆگران و پَریسیان! او دوپۆستێن شَتَلکاران! شما پورچێنک، گواتگ و زیرَّگئے دَه‌یَکّا کَشّێت و هُدائے ناما دئیێت بله چه شَریَتئے دگه مسترێن هُکمان بزان دادرسی و اِنساپ، رَهمدلی و وپاداریا بێهئیال و بێتْرانگ بوتگێت. دْرێگتا، شما اے کار بکرتێننت و آ هم یله مداتێننت.

لوکا 18:8

شمارا گوَشان که زوتّ آیانی هَکّا دنت. بله آ وهدی که انسانئے چُکَّ کئیت، بارێن سِتک و باور اے زمینئے سرا پَشتَ کپیت که آ بگندیت؟“

کاسِدانی کار 13:45

وهدے یَهودیان مردمانی بازێن مُچّی دیست، چه کَست و کُنّتا زَهر گپتنت، پولُسِش بےاِزّت کرت و آییئے هبرانی دێما اۆشتاتنت.

کاسِدانی کار 13:50

بله یَهودیان، شرپدار و هُداتُرسێن جنێن و شهرئے نامدارێن مردێن، پولُس و بارنابائے آزار دئیگ و بدواهیا شۆرێنتنت و آاِش چه آ دَمگا در کناێنتنت.

کاسِدانی کار 14:2

بله هما یَهودی که باور کنگا تئیار نه‌اتنت، آ دگه درکئومێن مردمِش شۆرێنتنت، آیانی پِگرِش پولُس و بارنابائے هلاپا تَرّێنت و زهررێچ کرتنت.

کاسِدانی کار 17:5

بله یَهودیان گۆن پولُس و سیلاسا هَسَدّ کرت. چه بازارا لهتێن لات و لۆپرێن مردم مُچّ کرت، رُمبے جۆڑێنت و شهرئے تها شۆرشِش کرت. آیان، پولُس و سیلاسئے شۆهاز و مردمانی مُچّیئے دێما آرگا، یاسونئے لۆگئے سرا اُرُش برت.

کاسِدانی کار 25:27

چێا که اے بێسر و بُنێن کارے، من یکّ بندیگێا دێم بدئیان بله آ بُهتامان که آییئے سرا جنَگ بوتگ‌اَنت، مَنبیسان.“

کاسِدانی کار 28:24

آییئے هبرانی گۆش دارگا رَند لهتێن باوَرمند بوت بله دگه لهتێنا باور نکرت.

پولُسئے کاگد په رومیان 10:16

بله بازێنێا اے وشّێن مِستاگ نمَنِّتگ، چێا که اِشئیا نَبیَ گوَشیت: ”او هُداوند! مئے پئیگامئے سرا کئیا باور کرت؟“

پولُسئے کاگد په رومیان 15:31

دْوا کنێت که چه یَهودیَهئے ناباورانی دستا برَکّان و اورشَلیمئے شهرا، پَلگارتگێن مردم منی هِزمتا بِمَنّنت،

په تِسالونیکیان پولُسئے ائولی کاگد 2:18

منِ پولُسا باز رندا جُهد کرت و ما لۆٹت که شمئے گوَرا بیاێن، بله شئیتانا مئے راه و در بند کرتنت.

په تیموتاووسا پولُسئے دومی کاگد 4:17

بله هُداوند منی کَشا اۆشتات و منا زۆر و واکی دات، تانکه من سَرجمیا پئیگامئے جارا بجنان و سجّهێن درکئوم بشکُننت. اے پئیما من چه شێرئے دپا رَکّتان.