په تِسالونیکیان پولُسئے دومی کاگد 3:10 - هُدائے پاکێن کتاب، بلۆچی زبانا

¹⁰ چێا که وهدے ما شمئے کِرّا اَتێن، ما شمارا اے هُکم دات، آ کَس که کار کنگَ نلۆٹیت، مئوارت هم.

په تِسالونیکیان پولُسئے دومی کاگد 3:10 Cross References

پێدایش 3:19

گۆن هێدێن پێشانیگے وتی نگنا ورئے تان هما وهدا که هاکا پِرَ ترّئے، چێا که چه همِشیا زورگ بوتگئے. تئو هاکے ائے و پدا هاکا پِرَ ترّئے.“

لوکا 24:44

گڑا گوَشتی: ”اے منی هما هبر اَنت که من گۆن شما آ وهدا کرتگ‌اَنت که اَنگت گۆن شما بوتگان. منی بارئوا، هر هبرے که موسّائے شَریَت، زَبور و نبیانی کتابان نبشته اِنت، آ زلور باید اِنت هما ڈئولا سَرجم ببنت.“

یوهَنّا 16:4

من اے هبر گۆن شما پمێشکا کرتنت که وهدے چُشَ بیت، گڑا شما هئیالا بکپێت که من شمارا چے گوَشتگ. من اے هبر ائولا گۆن شما نکرتنت، چێا که من وت گۆن شما گۆن اَتان.

کاسِدانی کار 20:18

کماش که آتکنت، گۆن آیان گوَشتی: ”شما وتَ زانێت چه هما ائولی رۆچا که من آسیائے دَمگا پاد اێر کرتگ، چِه پئیما وتی زِند گۆن شما گوازێنتگ.

په تِسالونیکیان پولُسئے ائولی کاگد 3:4

وهدے شمئے کِرّا اَتێن، ما شمارا چه پێسرا گوَشت که ماشُما آزار دئیگَ بێن و اَنچُش بوت، شما شرّیا زانێت.

په تِسالونیکیان پولُسئے ائولی کاگد 4:11

وتی سجّهێن وَسا بکنێت که په هامۆشی زند بگوازێنێت و دگرئے کارا کار مدارێت. وت کار و رۆزگار بکنێت، اَنچۆ که ما شمارا هُکم داتگ.

په تِسالونیکیان پولُسئے دومی کاگد 2:5

شمارا یات نه‌اِنت که وهدے شمئے کِرّا اَتان، من شمارا اے هال داتنت؟