په تِسالونیکیان پولُسئے دومی کاگد 2:15 - هُدائے پاکێن کتاب، بلۆچی زبانا

¹⁵ گڑا براتان، مُهکم بۆشتێت و هما تالیم که ما شمارا داتگ‌اَنت، آیان مُهر بدارێت، زُبانی هبر ببنت یا مئے نبشتگێن کاگد.

په تِسالونیکیان پولُسئے دومی کاگد 2:15 Cross References

پولُسئے کاگد په رومیان 16:17

او براتان! چه شما دَزبندیَ کنان، آ مردمان شَرّ بچارێت و وتا چه آیان دور بدارێت که مردمانی نیاما پلێنڈیَ کننت و شمئے گپتگێن تالیمانی هلاپا گناهئے سئوَبسازَ بنت.

په پیلیپیان پولُسئے کاگد 4:1

پمێشکا، هُداوندئے راها مُهر بۆشتێت. منی دُردانَگێن براتان! من په شمئے دیدارا هدۆناک آن. منی دُردانَگان! شما منی شادمانی و تاج اێت.

په تِسالونیکیان پولُسئے دومی کاگد 2:2

اگن منی نامئے سرا انچێن گپّے شمارا سر بوت که گوَشیت هُداوندئے رۆچ آتکگ و رَستگ، تُرے پێشگۆییے ببیت یا هال و اهوالے یا کاگدے، بزانێت که درۆگے، دمانا لَرزان مبێت و دلا دئور مدئیێت.

په تِسالونیکیان پولُسئے دومی کاگد 3:14

بله اگن کَسے اے هبران مَمنّیت که ما اے کاگدا نبشته کرتگ‌اَنت، وتی چمّان چه آییا دور مکنێت بله گۆن آییا نند و پاد آ مکنێت، بِلّی شرمندگَ بیت.

په تِسالونیکیان پولُسئے دومی کاگد 3:6

براتان! ما شمارا وتی هُداوندێن ایسّا مَسیهئے ناما هُکمَ دئیێن، هر براتے که تَمبَل و جاندُزّ اِنت و مئے کرتگێن سر و سۆجانی هسابا زند گوازێنگا نه‌اِنت، وتا چه آییا دور بدارێت.

په تیتوسا پولُسئے کاگد 1:9

کماشا هما پُراِهتبارێن تالیم که دئیگ بوتگ، باید اِنت آییئے سرا مُهر بۆشتیت تانکه آ دگران گۆن شرّێن تالیما دلبڈّی دات بکنت و هما که اے تالیمئے هلاپ اَنت، آیان سرپد کرت بکنت که آ رد اَنت.

یَهودائے کاگد 1:3

او دُردانگان! واهگدار اَتان په شما هما رَکّگئے بارئوا بنبیسان که ما سجّهێن آییئے شریکدار اێن. بله من زلورت دیست که گۆن اے چیزّانی نبیسگا، شمئے دلا شئوک پێدا بکنان تان په هما باوَرا جُهد بکنێت که یکّ رندے پَلگارتگێنان دئیگ بوتگ و تان اَبد گۆن ماشما گۆنَ بیت.