په تیموتاووسا پولُسئے ائولی کاگد 5:4 - هُدائے پاکێن کتاب، بلۆچی زبانا

⁴ بله اگن جنۆزامێا چُکّ یا نُماسگ هست، گڑا چُکّ و نماسگ وتی هُداتُرسیا ائولا وتی لۆگئے تها پێش بدارنت و وتی لۆگئے هئیالا بدارنت و اے پئیما وتی مسترێنانی هَکّا اَدا بکننت. چێا که اے کار هُدایا دۆستَ بیت.

په تیموتاووسا پولُسئے ائولی کاگد 5:4 Cross References

پێدایش 47:12

ایسُّپا وتی پت و برات و پتئے لۆگئے سجّهێن مردم لاپ داتنت، و همینچُک چُکِّش که هست‌اَت، همینچُکی داتنت.

پێدایش 47:28

آکوبا مِسرا هبده سال گوازێنت و تان یکّ سَد و چِلّ و هپت سالئے اُمرا زندگ اَت.

لوکا 2:51

ایسّا گۆن آیان پدا ناسِرَها شت و آیانی سجّهێن هبری گپت و مَنِّتنت. آییئے ماتا اے سجّهێن هبر، وتی دلا داشتنت.

په تیموتاووسا پولُسئے ائولی کاگد 2:3

همے کار شَرّ اَنت و مئے نجات دئیۆکێن هُدایا دۆستَ بنت،

په تیموتاووسا پولُسئے ائولی کاگد 5:16

هر باورمندێن جنێنے که آییئے لۆگا جنۆزام هست، آیانی هئیالداریا بکنت و مئیلیت که کِلیسائے سرا بارے ببنت، تانکه کلیسا هما جنۆزامانی هئیالداریا کرت بکنت که په راستی هاجَتمند اَنت.

په تیتوسا پولُسئے کاگد 1:11

اے مردمانی دپ باید اِنت بند کنگ ببیت، چێا که په وتی لالِچ و تَماها لهتێن لۆگا سرجما تباه کنگا اَنت. اے اَنچێن تالیم دئیگا اَنت که باید اِنت مدئینت.