په تیموتاووسا پولُسئے ائولی کاگد 5:20 - هُدائے پاکێن کتاب، بلۆچی زبانا

²⁰ بله هما که گناهَ کنت، مهلوکئے دێما مَلامت کنگ ببیت، تانکه اے دگه مردم اِبرَت بگرَنت.

په تیموتاووسا پولُسئے ائولی کاگد 5:20 Cross References

کاسِدانی کار 19:17

چه اے هالئے اِشکنگا، اِپێسُسئے شهرئے سجّهێن مردمان، یَهودی و یونانی دوێنان، باز تُرست و هُداوندێن ایسّائے نامِش ستا و سنا کرت.

کاسِدانی کار 5:11

چه اے هبرانی اِشکنگا، سجّهێن باوَرمند و آ دگه مردمانی نیاما مزنێن تُرس و بیمّے کپت.

کاسِدانی کار 5:5

وهدے هَنّانیایا اے هبر اِشکتنت، زمینا کپت و ساهی دات. هرکَسا که اے هبر اِشکت، آییئے دلا بلاهێن تُرسے نِشت.

په تیموتاووسا پولُسئے ائولی کاگد 1:20

چه اِشان یکّے هیمِناووس اِنت و یکّے سِکندَر که من چه کلیسایا کَشّتگ و یَک‌کِرّ کرتگ‌اَنت که اِبرت بگرَنت و کُپر مکننت.

په تیموتاووسا پولُسئے دومی کاگد 4:2

تئو هُدائے هبرئے جارا بجن، وهد و ناوهد په جار جنگا تئیار بئے. مردمان هکّل کن و گۆن مزنێن سبر و اۆپار و بازێن سر و سۆجے آیانی ردیان راست کن و دلبَڈّی‌اِش بدئے.

په تیتوسا پولُسئے کاگد 1:13

اے گواهی راست اِنت، پمێشکا په ترُندی سرپدِش کن که راستێن ایمانئے سرا مُهر بۆشتنت و

په تیتوسا پولُسئے کاگد 2:15

اے هما چیزّ اَنت که تئو باید اِنت اِشانی تالیما بدئیئے. گۆن سَرجمێن اهتیارے آیان دلبَڈّی بدئے و په ترُندی سرپدِش کن. مئیل که مردم ترا بے‌اَرزش سرپد ببنت.