په تِسالونیکیان پولُسئے ائولی کاگد 5:2 - هُدائے پاکێن کتاب، بلۆچی زبانا

² چێا که شما شَرّیا زانێت که هُداوندئے رۆچ چۆ شپی دُزّێا کئیت.

په تِسالونیکیان پولُسئے ائولی کاگد 5:2 Cross References

مَتّا 25:13

پمێشکا هۆش و سار ببێت چێا که شما آ رۆچ و ساهتا هچَّ نزانێت.

لوکا 21:34

هُژّار بێت، چُش مبیت که شمئے دل په نِشه و ملاران برئوت و زِندئے پِگر و اندۆه شمئے دلا گرانبار بکنت و آ رۆچ اَناگت شمئے گُٹّا لۆپ ببیت.

په تِسالونیکیان پولُسئے ائولی کاگد 5:4

بله او براتان! شما تهاریا نه‌اێت که آ رۆچ چۆ دُزّێا بیئیت و شمارا جاه بسِرّێنیت.

په تِسالونیکیان پولُسئے دومی کاگد 2:2

اگن منی نامئے سرا انچێن گپّے شمارا سر بوت که گوَشیت هُداوندئے رۆچ آتکگ و رَستگ، تُرے پێشگۆییے ببیت یا هال و اهوالے یا کاگدے، بزانێت که درۆگے، دمانا لَرزان مبێت و دلا دئور مدئیێت.

پِتْرُسئے دومی کاگد 3:10

بله هُداوندئے رۆچ اَلّما کئیت. چُش که دُزّے اَناگتَ کئیت و سجّهێنان جاهَ سِرّێنیت. آ رۆچا آسمان گۆن تُرسناکێن تئوار و بوستگے گار و بێگواهَ بیت، اِستار و ماه و رۆچ و هرچے که آسمانا هست، آسا کپیت و آپَ بیت و زمین و هرچے که زمینا هست سُچیت و پُرَ بیت.

اِلهام 16:15

”بچار، من دُزّکاییَ کایان. بَهتاور هما اِنت که آگهَ مانیت و وتی پۆشاکان تئیارَ داریت تانکه آ جاندرا در مئیئیت و آییئے ننگ گِندگ مبیت.“

اِلهام 3:3

گڑا تئوبه کن و هرچے که ترا رَستگ و تئو اِشکتگ یاتِش کن و مُهرِش بدار. اگن آگه نبوتئے، من دُزّکاییَ کایان و تئو هچّ سرپدَ نبئے که من چِه وهدا په تئو کایان.