په تِسالونیکیان پولُسئے ائولی کاگد 4:16 - هُدائے پاکێن کتاب، بلۆچی زبانا

¹⁶ چێا که هُداوند وت پرێشتگانی سردارئے تئوار و هُدائے کَرنائے تئوارئے همراهیا، هُکم دئیانا چه اَرشا اێرَ کئیت. گڑا، ائولا مَسیهئے هما باوَرمند زندگَ بنت که مُرتگ‌اَنت و

په تِسالونیکیان پولُسئے ائولی کاگد 4:16 Cross References

زَبور 47:1

او سجّهێن کئومان! چاپ بجنێت. گۆن شادمانیئے بُرزێن سئوتان دێم په هُدایا کوکّار کنێت.

زَبور 47:5

هُدا شادمانیئے کوکّارانی نیاما بُرزاد شتگ، هُداوند سُرنائے تئوارئے نیاما.

دَرگوَز 19:16

چۆ بوت که سئیمی رۆچئے سُهبا گْرند و گِرۆک بوت و کۆهئے سرا بَزێن جمبرے زاهر بوت و کرنائے اَنچێن ترُندێن تئوارے چِست بوت که اُردگاهئے سجّهێن مردم چه تُرسا لَرزِتنت.

دَرگوَز 20:18

وهدے سجّهێن مردمان دیست که گْرند و گِرۆک اِنت و کرنائے تئوار اِنت و دوتّێا کۆه پۆشِتگ، چه تُرسا لَرزِت و دور اۆشتاتنت.

مَتّا 16:27

انسانئے چُکّ گۆن وتی پتئے مزنێن شان و مڑاها پرێشتگانی همراهیا کئیت، گڑا هرکَسا آییئے کرتگێن کارانی مُزّا دنت.

مَتّا 16:28

شمارا راستێنَ گوَشان، اِدا لهتێن مردم اۆشتاتگ که تان آیانی دێما انسانئے چُکّئے بادشاهی زاهر مبیت، مَرکئے تاما نچَشنت.“

مَتّا 25:31

وهدے انسانئے چُکّ گۆن وتی مزنێن شان و مڑاها پرێشتگانی همراهیا کئیت، گڑا وتی پرشئوکتێن تَهتئے سرا نندیت.

مَتّا 26:64

ایسّایا دَرّاێنت: ”تئو وت گوَشت. بله شما سجّهێنان هالَ دئیان، دێمترا گندێت که انسانئے چُکّ زۆراورێن هُدائے راستێن نێمگا نِشتگ. چه آسمانئے جمبرانی سرا هم کئیت.“

کاسِدانی کار 1:11

آیان گوَشت: ”او جَلیلی واجهان! شما چێا اِدا اۆشتاتگ و آسمانئے نێمگا چارگا اێت؟ ایسّا چه شمئے نیاما چست کنگ و آسمانا برگ بوتگ، بله اَنچُش که شما رئوگا دیستگ، همے ڈئولا یکّ رۆچے پدا چه آسمانا پِرَ ترّیت و کئیت.“

په تِسالونیکیان پولُسئے ائولی کاگد 1:10

آییئے چُکّئے ودارا ببێت، هما که چه آسمانا کئیت، هما که هدایا چه مُردگان زندگ کرت بزان ایسّا که مارا چه آیۆکێن گزَبا رَکّێنیت.

په تِسالونیکیان پولُسئے ائولی کاگد 3:11

نون مئے هُداێن پتئے جند و مئے هُداوندێن ایسّا مئے راها پچ کنات که ما شمئے کرّا بیاێن.

په تِسالونیکیان پولُسئے دومی کاگد 1:7

شما که جنجالانی آماچ اێت، شمارا آرامَ دنت و مارا هم. اے کار هما وهدا بیت که هُداوندێن ایسّا گۆن وتی زۆرمَندێن پرێشتگان چه آسمانا گۆن جمبورێن آسێا وتا زاهرَ کنت و

په تِسالونیکیان پولُسئے دومی کاگد 2:1

او براتان! نون، مئے هُداوندێن ایسّا مَسیهئے آیگ و آییئے کرّا مئے مُچّ بئیگئے بارئوا، ما چه شما دَزبندیَ کنێن که

پِتْرُسئے دومی کاگد 3:10

بله هُداوندئے رۆچ اَلّما کئیت. چُش که دُزّے اَناگتَ کئیت و سجّهێنان جاهَ سِرّێنیت. آ رۆچا آسمان گۆن تُرسناکێن تئوار و بوستگے گار و بێگواهَ بیت، اِستار و ماه و رۆچ و هرچے که آسمانا هست، آسا کپیت و آپَ بیت و زمین و هرچے که زمینا هست سُچیت و پُرَ بیت.

یَهودائے کاگد 1:9

تنتنا مزنێن پرێشتگ میکاییلا، آ وهدا که موسّائے جۆنئے بارئوا گۆن شئیتانا یکّ و دویی کرت، اے تَهم و جُریت نێست‌اَت که شئیتانا سُبکّ و مئیاریگ بکنت. تهنا گوَشتی: ”هُداوند ترا سِزا بدئیات.“

اِلهام 1:10

هُداوندئے رۆچا هُدائے روه منی دلا پُترت و من اِشکت که پُشتا بُرزێن تئوارے بوت، گوَشئیگا کَرنائے تئوارے اَت.

اِلهام 1:7

بچار، آ گۆن جمبران پێداک اِنت و هَمُک چمّ آییا گندیت، هما هم که آییئے جانِش ٹُنگ ٹُنگ کرتگ و زمینئے سجّهێن کئوم هماییئے سئوَبا پُرسیگَ بنت. هئو، اَنچُش بات. آمین.

اِلهام 14:13

گڑا من چه آسمانا تئوارے اِشکت، گوَشگا اَت: ”نبشته کن: مُردگ بَهتاور اَنت، هما که چه اِد و رند هُداوندئے راها مرنت.“ پاکێن روه هم گوَشیت: ”هئو، آیانی زهمت‌کَشّیَ هَلّنت و آ آرامَ گرنت، چێا که آیانی کرتگێن کار آیانی همراه اَنت.“

اِلهام 8:13

رندا من چارِت و اِشکت که آسمانئے نیاما بالێن وَکابے کوکّار کنگا اَت: ”اَپسۆز، اَپسۆز، اَپسۆز په زمینئے نندۆکان، هما کَرنایانی تئوارانی سئوَبا که اے دگه سئیێن پرێشتگان جنَگی اَنت.“

اِلهام 8:2

پدا من هپتێن پرێشتگ دیستنت که هُدائے دێما اۆشتاتگ‌اَتنت. آیان هپت کَرنا دئیگ بوت.