په تِسالونیکیان پولُسئے ائولی کاگد 2:18 - هُدائے پاکێن کتاب، بلۆچی زبانا

¹⁸ منِ پولُسا باز رندا جُهد کرت و ما لۆٹت که شمئے گوَرا بیاێن، بله شئیتانا مئے راه و در بند کرتنت.

په تِسالونیکیان پولُسئے ائولی کاگد 2:18 Cross References

مَتّا 4:10

گڑا ایسّایا گوَشت: ”او شئیتان! چه منی دێما گُم بئے! پاکێن کتابا نبیسگ بوتگ: وتی هُداوندێن هُدایا پرستش بکن و تهنا هماییئے هِزمتا بکن.“

پولُسئے کاگد په رومیان 1:13

او براتان! لۆٹان شما بزانێت باز رَندا وتی دلا شئورُن کرتگ شمئے کِرّا بیایان بله هر رَندا یکّ نه یکّ مُشکلێا منا داشتگ. منی واهگ اَت شمئے نیاما بَر و سَمرے بکَٹّان، هما پئیما که چه آ دگه دَرکئومان کَٹّتگ.

پولُسئے کاگد په رومیان 15:22

پمێشکا باز رندا منی دێم دارگ بوتگ که شمئے کِرّا آتک مکنان.

په پیلیپیان پولُسئے کاگد 4:16

وهدے تِسالونیکیا اَتان هم، یکّ و دو رندا شما په منی زلورتان کُمکّ دێم دات.

په تِسالونیکیان پولُسئے دومی کاگد 3:17

منِ پولُس اے سلامان دستِ وت نبشته کنگا آن و اے چیزّ منی سجّهێن کاگدانی نشانی اِنت. من همے پئیما نبشتهَ کنان.

په پیلیمونا پولُسئے کاگد 1:9

بله منِ پولُس که پیرمَردے آن و انّون ایسّا مَسیهئے هاترا بندیگ آن، مِهرئے بُنیادا گۆن تئو دَزبندیے کنان.

اِلهام 2:10

چه آیۆکێن آزاران متُرس. بچار، شئیتان چه شما لهتێنا په شمئے چکّاسگا زندانا کنت و تئو تان ده رۆچا آزار دئیگَ بئے. تان مرکئے ساهتا وپادار بئے و من ترا زِندئے تاجا دئیان.