په تِسالونیکیان پولُسئے ائولی کاگد 2:11 - هُدائے پاکێن کتاب، بلۆچی زبانا

¹¹ شما زانێت که ما گۆن شما هر یَکّێا انچُش اَتێن که مهربانێن پتے گۆن وتی جندئے چُکّانَ بیت.

په تِسالونیکیان پولُسئے ائولی کاگد 2:11 Cross References

زَبور 34:11

او چُکّان! بیاێت و چه من بِشکنێت، من شمارا سَبکَ دئیان که هُداوندا چۆن بمَنّێت.

لوکا 16:28

چێا که منی پنچ برات اَنت و منی واهگ اِنت که ایلازَر آیانی کِرّا برئوت و آیان ڈاه بدنت و هُژّار بکنت، چُش مبیت که آ هم اے پُراَزابێن جاگها بیاینت.‘

کاسِدانی کار 20:2

چه آ هَند و دَمگان که گوَست، گۆن وتی هبران، باوَرمندی بازێن دِلبڈّیے داتنت. رندا آتک و یونانا رَست.

په تِسالونیکیان پولُسئے ائولی کاگد 2:7

بله ما چۆ نکرت و گۆن شما اَنچۆ مهربان اَتێن که ماتے گۆن وتی چکّانَ بیت.

په تِسالونیکیان پولُسئے ائولی کاگد 4:1

براتان! دگه گپّے اِش اِنت، ما شمارا سۆج داتگ که وتی زِندا چۆن بگوازێنێت که هُدا چه شما وشّ و رزا ببیت و شما اَنچُش کنگا اێت هم. نون هُداوندێن ایسّائے ناما گۆن شما دَزبندیَ کنێن و گوَشێن که اے چیزّا رۆچ په رۆچ گێشتر بکنێت.

په تِسالونیکیان پولُسئے ائولی کاگد 4:6

کَسّ په وتی هئوَسا براتئے اِزّتا دست مجنت و چه آییا پائِدگ چِست مکنت، چێا که هُداوند هر گَندَگێن کارئے سِزایا دنت، اَنچۆ که ما پێسرا شمارا هُژّار کرتگ و گوَشتگ.

په تِسالونیکیان پولُسئے ائولی کاگد 5:11

پمێشکا یکدومیا دلبڈّی بدئیێت و وتی ایمانئے رُست و رُدۆما یکدگرا کُمکّ بکنێت، اَنچۆ که شما انّون کنگا اێت.

په تِسالونیکیان پولُسئے ائولی کاگد 5:14

براتان! ما چه شما دَزبندیَ کنێن، هما که تَمبَل و جاندُزّ اَنت، آیان سرپد بکنێت، هما که دلپرۆش اَنت، آیان دلبڈّی بدئیێت، هما که نزۆر اَنت، آیان کُمکّ بکنێت و سجّهێنانی برداشتا بکنێت.

په تِسالونیکیان پولُسئے دومی کاگد 2:5

شمارا یات نه‌اِنت که وهدے شمئے کِرّا اَتان، من شمارا اے هال داتنت؟

په تِسالونیکیان پولُسئے دومی کاگد 3:12

ما هُداوندێن ایسّا مَسیهئے ناما چشێن مردمان هُکمَ دئیێن و هبردارَ کنێن که په شِهم و رَهداری کار بکنێت و وتی رۆزیگا دَر گێجێت.

په تیموتاووسا پولُسئے ائولی کاگد 5:21

من ترا هُدا و ایسّا مَسیه و گچێنیێن پرێشتگانی دێما کڈّنَ کنان که هچّ پَرک و پێر مکن و اے سر و سۆجان بزور و هچّ پئیمێن رو و ریا مکن.

په تیموتاووسا پولُسئے ائولی کاگد 5:7

باوَرمندان همے سر و سۆجان بکن که کسّ آیانی ناما په بدی مگیپت.

په تیموتاووسا پولُسئے ائولی کاگد 6:13

هُدائے بارگاها، هما هُدا که هر چیزّا زندَ بَکشیت و ایسّا مَسیهئے بارگاها، هما مَسیه که پُنتیوس پیلاتوسئے دێما وتی شاهدیئے تها نێکێن اِکراری کرت، من ترا هُکمَ دئیان که

په تیموتاووسا پولُسئے ائولی کاگد 6:17

هما مردم که اے دنیایا هستۆمند اَنت، آیان هُکم بدئے که گُروناک مبێت و وتی اُمێتا گۆن وتی مال و هستیا مبندێت که مال و هستیَ کئیت و رئوت. وتی اُمێتا هُدائے سرا ببندێت که گۆن دَسپَچی مارا اَلکاپ و پراوانێن زندے دنت.

په تیموتاووسا پولُسئے ائولی کاگد 6:2

هما گُلام که آیانی واجه باورمند اَنت، نباید وتی واجهان اے هاترا کمتر اِزّت بدئینت که ایمانئے بُنیادا برات اَنت. اے گُلام باید اِنت انگت گێشتر وتی واجهانی هِزمتا بکننت، چێا که اِشانی هِزمت دۆستیگێن باوَرمندێا پائِدگَ دنت. اے چیزّانی تالیما بدئے و گۆن مردمان دَزبندی کن که اَنچُش بکننت.

په تیتوسا پولُسئے کاگد 2:15

اے هما چیزّ اَنت که تئو باید اِنت اِشانی تالیما بدئیئے. گۆن سَرجمێن اهتیارے آیان دلبَڈّی بدئے و په ترُندی سرپدِش کن. مئیل که مردم ترا بے‌اَرزش سرپد ببنت.

په تیتوسا پولُسئے کاگد 2:6

همے پئیما وَرناێن مردێنان هم دلبڈّی بدئے که داشتِش ببیت.

په تیتوسا پولُسئے کاگد 2:9

گُلامان تالیم بدئے که هر کارا وتی واجهانی پرمانبردار ببنت، آیان وشّ و رَزا بکننت، گۆن آیان همجوابی مکننت،

یوهَنّائے سئیمی کاگد 1:4

هچّ چیزّ منا چه اِشیا گێشتر شادانَ نکنت که بِشکنان منی چُکّ راستیئے سرا زِندَ گوازێننت.