پِتْرُسئے ائولی کاگد 3:3 - هُدائے پاکێن کتاب، بلۆچی زبانا

³ شمئے سینگار و پَلگار زاهری مبیت که سرا چۆن بگوَپێن، چۆنێن سَهت و زێور پِر بکنێن و چۆنێن گُد بپۆشێن.

پِتْرُسئے ائولی کاگد 3:3 Cross References

پێدایش 24:22

اُشتران که آپئے ورگ بَسّ کرت، مردا سُهرئے پُلۆهے در کرت که کِساس شَش گِرام اَت و په آییئے دَستان سُهرئے دو هتّلی که هر یکّێئے وزن کِساس سَد و بیست گِرام اَت.

پێدایش 24:47

من چه آییا جُست کرت: ’تئو کئیی جنکّ ائے؟‘ آییا گوَشت: ’بِتوێلئے جنکّ آن. بِتوێلئے پت ناهۆر اِنت و مات مِلکَه.‘ گڑا من پُلۆه پۆنزا دات و هَتّلی دستا داتنت و

پێدایش 24:53

گڑا هِزمتکارا نُگره و تِلاهئے سَهت و زێور و لهتێن گُد آورت و رِبِکّایارا دات. رِبِکّائے برات و ماتی هم گران‌کیمّتێن ٹێکی داتنت.

زَبور 45:9

بادشاهانی جنک تئیی گرانازێن مهمان اَنت، تئیی راستێن نێمگا، مَلکه گۆن اُپیرئے تلاهانی سینگارا اۆشتاتگ.

دَرگوَز 3:22

هر جنێن چه وتی همساهگێن جنێن و چه آییئے لۆگا نندۆکێن جنێنا گُد و پُچّ و نُگره و تِلاهئے سَهت و زێوَر بلۆٹیت و وتی بَچّ و جنکّانی گوَرااِش بدنت. اے پئیما شما مِسریانی مال و هستیا پُلێت.“

دَرگوَز 32:2

هارونا گۆن آیان گوَشت: ”وتی جَن و بَچّ و جنکّانی گۆشانی تلاهێن نالُکان کَشّێت و منی کِرّا بیارێت.“

دَرگوَز 33:4

مهلوکا که اے دردناکێن هبر اِشکُت، مۆتک و زاریا لگّت و کَسّا سَهت و زێوَر پِر نکرت،

دَرگوَز 35:22

جنێن و مردێنَ آتکنت. هرکَس که دلا پرمات، آییا ٹاسین و نالُک و مُندریکّ و هار، هر تَهرێن سَهت و زێوَرَ آورت. هر مردما تلاهئے ٹێکیَ آورت و په هُداوندا چست کنگی کربانیگَ کرتنت.

دَرگوَز 38:8

بْرنجئے تْرَشتی گۆن تْرَشتئے پادَگا چه هما جنێنانی آدێنکان اَڈّ کرت که تَمبوئے دپا هِزمتی کار کنگا اَتنت.

پولُسئے کاگد په رومیان 12:2

گۆن اے دنیایا همرنگ و همدرۆشم مبێت، چه وتی پِگر و پَهمئے نۆک کنگئے راها بدل ببێت، تان شما بزانێت و گیشّێنت بکنێت که هُدائے واهگ چے اِنت، کجام چیزّ شَرّ، کامل و هُدایا پَسُند اِنت.

پِتْرُسئے ائولی کاگد 3:2

هما وهدا که شمئے هُداتُرسی و پاکدامنیا گندیت.