پِتْرُسئے ائولی کاگد 2:20 - هُدائے پاکێن کتاب، بلۆچی زبانا

²⁰ اگن شما په رَدێن کارێا سِزا دئیگ ببێت، گڑا چۆن آ سِزائے سگّگ شمارا شرپدارَ کنت؟ بله اگن شَرّێن کار و کِردێئے سئوَبا سکّی بسگّێت، هُدا شمارا ستا کنت.

پِتْرُسئے ائولی کاگد 2:20 Cross References

مَتّا 26:67

چرَندا آیان ایسّائے دپ و دێما تُکّ جت و لهتێنا مُشت و شَهمات هم جت.

مَتّا 5:47

اگن اێوکا وتی براتان دْرۆت و دْرَهبات بگوَشێت، گڑا چه دگران شمئے شرتری چے اِنت؟ زانا، آ هُداناباورێن درکئوم هم اَنچُشَ نکننت؟

مَرکاس 14:65

چه آیان لهتێنا، ایسّائے دپ و دێمان تُکّ جت، آییئے چمِّش بستنت، مُشت و شَهماتِش جت و گوَشتِش: ”نون پئیگمبری کن!“ سپاهیگان، آ گپت و گۆن لَٹّ و شَهماتان مان بست.

لوکا 6:32

اگن شما تهنا گۆن همایان مِهر بکنێت که گۆن شما مِهرَ کننت، گڑا شما چۆنێن سۆب و پائدگے کَٹّتگ؟ اے کار، گُنهکارانی دستا هم بوتَ کنت.

په گَلاتیان پولُسئے کاگد 4:18

اے شَرّێن گپّے که شما مُدام پُرجۆش ببێت، تهنا آ وهدا نه که من شمئے کِرّا آن، بله په شَرّێن چیزّێا پُرجۆش ببێت.

په پیلیپیان پولُسئے کاگد 4:18

منا هر چیزّ رستگ و سکّ باز رستگ. گۆن اِپاپْرۆدیتوسا هرچے که شما دێم داتگ، منا رَسِتگ‌اَنت و نون منا هر چیزّ هست. شمئے اے ٹێکی وشبۆێن شُگرانه و دلپَسندێن کُربانیگے که هُدایا وَشنۆدَ کنت.

پِتْرُسئے ائولی کاگد 2:19

وهدے شما گۆن هُدایا وپادار اێت و ناهَکّێن سِزایانَ سگّێت، شمئے همے سبر و اۆپار وت په شما شرپے بیت.

پِتْرُسئے ائولی کاگد 3:14

اگن په شمئے نێکێن کاران شمارا آزار برسیت، اَنگت هم شما بَهتاور اێت. چه آیانی پادتراپان متُرسێت و پرێشان مبێت.

پِتْرُسئے ائولی کاگد 3:17

پمێشکا، اگن هُدائے رزا ببیت که سکّی بسگّێت، گڑا بدێن کارانی سکّیئے سگّگئے بدلا، نێکێن کارانی سکّیا بسگّێت.