یوهَنّائے ائولی کاگد 3:3 - هُدائے پاکێن کتاب، بلۆچی زبانا

³ هرکَسا چه آییا چُشێن اُمێتے هست وتا پاکَ کنت، اَنچُش که آ وت پاک اِنت.

یوهَنّائے ائولی کاگد 3:3 Cross References

مَتّا 5:48

پمێشکا شما باید تمان و بےائیب ببێت، اَنچُش که شمئے آسمانی پت وتی جاها تمان و بےائیب اِنت.

لوکا 6:36

هما ڈئولا که شمئے آسمانی پت رَهمدل اِنت، شما هم رَهمدل ببێت.

یوهَنّا 17:19

نون په همِشانیگی وتا گۆن پاکی و پَلگاری تئیی سِپُردهَ کنان، تانکه اے هم گۆن راستیا پَلگار و هُدائے سِپُرده ببنت.

کاسِدانی کار 15:9

هُدایا مئیگ و آیانی نیاما هچّ پرک و پێرے نه‌اِشت، وهدے آ باوَرمند بوتنت، هُدایا آیانی دل هم پاک و پَلگار کرت.

پولُسئے کاگد په رومیان 15:12

اِشئیا نَبی هم گوَشیت: ”یَسّیئے ریشّگَ رُدیت، هما که پادَ کئیت تان دَرکئومانی سرا بادشاهی بکنت، آییئے سرا دَرکئوم اُمێتَ بندنت.“

په تِسالونیکیان پولُسئے دومی کاگد 2:16

مئے هُداوندێن ایسّا مَسیهئے جند و مئے هُداێن پت که مارا دۆستَ داریت و وتی رهمتئے برکتا مارا ابَدی دلبڈّی و شَرّێن اُمێتی داتگ،

په تیتوسا پولُسئے کاگد 3:7

تانکه ما که آییئے رهمتئے برکتا بێگناه و بێمئیار هساب بوتگێن، اَبدمانێن زندئے اُمێتئے میراسدار ببێن.

آکوب 4:8

گۆن هُدایا نزّیکّ ببێت، هُدا هم گۆن شما نزّیکَّ بیت. او گُنهکاران! وتی دستان پاک کنێت. او دودلان! وتی دلا ساپ کنێت،

پِتْرُسئے ائولی کاگد 1:15

هما ڈئولا که شمئے گْوانک جنۆک پاک اِنت، هر کارئے تها شما هم پاک ببێت.

پِتْرُسئے ائولی کاگد 1:3

مئے هُداوندێن ایسّا مَسیهئے هُداێن پتا ستا و سنا بات. چه وتی سررێچێن رهمتا و گۆن ایسّا مَسیهئے چه مُردگان زندگ بئیگا، هُدایا مارا نۆکسرا پێدا کرت تان مارا زندگێن اُمێتے برسیت.

پِتْرُسئے دومی کاگد 1:4

همے پئیما، ماشمارا چه اے چیزّان وتی بێبها و سکّێن مزنێن کئول و واده‌ای داتگ تان گۆن هُدایی زاتا شریکدار ببێت و چه هما تباهیا برَکّێت که دنیایا هست‌اِنت و سِلّێن واهگانی بَر و سَمر اِنت.

پِتْرُسئے دومی کاگد 3:14

او دُردانگان! نون که اے چیزّانی ودارا اێت، جُهد کنێت آ شمارا پاک و بےائیب و گۆن وت په سُهل و آرامیا ودی بکنت و بگندیت.

یوهَنّائے ائولی کاگد 2:6

کَسے که گوَشیت: ”من آییئے اَرواه و جَبینا آن،“ باید اِنت هماییئے راها برئوت.

یوهَنّائے ائولی کاگد 4:17

مِهر مئے نیاما همے ڈئولا کامل و سررێچ بوتگ که جُست و پُرسئے رۆچا دلڈَڈَّ ببێن. چێا که ما اے دنیایا هماییئے ڈئولا اێن.