یوهَنّائے ائولی کاگد 2:14 - هُدائے پاکێن کتاب، بلۆچی زبانا

¹⁴ او چُکّان! په شما نبیسگا آن، چێا که شما پتا زانێت. او واجهێن پتان! په شما نبیسگا آن، چێا که شما هماییا زانێت که چه اَزلا اِنت. او وَرنایان! په شما نبیسگا آن، چێا که توانا و تَمَرْد اێت و هُدائے هبر شمئے دلا اِنت و شما شئیتان پرۆش داتگ.

یوهَنّائے ائولی کاگد 2:14 Cross References

زَبور 119:11

من تئیی هبر وتی دلا اَمبار کرتگ‌اَنت که تئیی هلاپا گناه مکنان.

یوهَنّا 15:7

اگن شما منی دل و درونا بمانێت و منی هبر شمئے دلا بماننت، هرچے که لۆٹێت بلۆٹێت، شمارا رسیت.

یوهَنّا 5:38

آییئے هبر شمئے دلا نَنِندیت، چێا که شما آییئے رئوان داتگێنئے سرا ایمانَ نئیارێت.

یوهَنّا 8:31

رَندا، ایسّایا گۆن هما یَهودیان گوَشت که آییئے سرا ایمانِش آورتگ‌اَت: ”اگن منی هبرانی سرا بۆشتێت، په دل منی مُرید اێت.

یوهَنّا 8:37

منَ زانان که شما اِبراهێمئے ائولاد اێت، بله منی هبران شمئے دلا جاگه نێست، پمێشکا منی کُشگئے رَندا اێت.

په پیلیپیان پولُسئے کاگد 4:13

من مَسیهئے برکَتا هرچے کرتَ کنان، چێا که هما منا زۆر و توانَ دنت.

په تیموتاووسا پولُسئے دومی کاگد 2:1

او منی چُکّ! گڑا تئو هما رهمتئے برکتا که مارا چه ایسّا مَسیهئے نێمگا رسیت، وتا مُهر و مُهکم بدار.

یوهَنّائے ائولی کاگد 1:1

هما که چه اَزلا هست‌اَت، هما که ما اِشکتگ، گۆن وتی چمّان دیستگ، هما که ما چارتگ و دست پِر کرتگ، آ زِندمانئے گال اِنت.

یوهَنّائے ائولی کاگد 1:10

اگن بگوَشێن گناهِن نکرتگ، آییا درۆگبندَ کنێن و آییئے هبران مئے دلا جاگه نێست.

یوهَنّائے ائولی کاگد 2:13

او واجهێن پتان! په شما نبیسگا آن، چێا که شما آییا زانێت، هما که چه اَزلا اِنت. او وَرنایان! په شما نبیسگا آن، چێا که شما شئیتانئے سرا بالادست بوتگێت.

یوهَنّائے دومی کاگد 1:2

پمێشکا مارا دۆست اَنت که مئے دلا راستیا جاگه کرتگ و تان اَبد گۆن ما همراه اِنت.

یوهَنّائے سئیمی کاگد 1:3

باز گَل و شادان بوتان که لهتێن سنگت آتک و گواهی‌اِش دات که تئو راستیئے وپادار ائے، بزان وتی زِندا راستیئے سرا گوازێنگا ائے.

اِلهام 2:3

مُهر اۆشتاتگئے و گۆن سبر و اۆپارے هر چیزِّت په منی ناما سگِّتگ و دمِت نبُرتگ.

اِلهام 2:7

هرکَسا که گۆش پِر، گۆش بداریت که پاکێن روه گۆن کِلیسایان چے گوَشیت. هما که سۆبێنَ بیت، من آییا چه زِندئے هما درچکا ورگئے هکّا دئیان که هُدائے بهشتا اِنت.