Pa Pilipián Pulosay kágad 4:5 - Hodáay Pákén Ketáb Balochi zobáná

⁵ Bell sajjahén mardom shomay narmdeliá begendant. Hodáwanday áyagay wahd nazzikk ent.

Pa Pilipián Pulosay kágad 4:5 Cross References

Mattá 6:25

Paméshká shomárá gwashán ke pa wati zendá paréshán o deltaparkah mabét ke ‘ché bwarén o ché benóshén?’, na pa wati jesm o jáná ke ‘ché bepóshén?’. Zend cha waráká o jesm o ján cha pósháká géshtera nakarzit?

Mattá 6:34

Pa bándátigén róchá paréshán o pegrig mabét, chéá ke bándát, wati pegrá wata kant. Maróchigén janjál, pa maróchigá bass ant.

Luká 21:34

Hozzhár bét, chosh mabit ke shomay del pa neshah o malárán berawt o zenday pegr o andóh shomay delá gránbár bekant o á róch anágat shomay gotthá lóp bebit.

Pa Tesálunikián Pulosay domi kágad 2:2

agan mani námay sará anchén gappé shomárá sar but ke gwashit Hodáwanday róch átkag o rasetag, toré péshgóié bebit yá hál o hawálé yá kágadé, bezánét ke drógé, damáná larzán mabét o delá dawr madayét.

Pa Titusá Pulosay kágad 3:2

Hechkasá bohtám majanét o gón mardomán arh o korh makanét, báyad narmdel bebét o gón sajjahén mardomán pa békebri pésh byáét.

Petrosay Awal Kágad 1:11

Masihay Ruh cha áyáni zobáná habar kanán o gwashán butag ke Masihá chónén sakki saggagi ent o randá áiá chónén mazanén shán o shawkaté rasit. Gorhá, á modám hamé johdá butagant ke bezánant Pákén Ruh kai bárawá habará ent o é kár kadéna bit.

Petrosay Awal Kágad 4:7

Donyá zutt halás bayagi ent, paméshká gón shehm o rahdáriá watá grán o sangin bedárét tán dwá kort bekanét.

Elhám 22:20

Hamá ke é chizzáni sháhediá dant, gwashit: “Haw, man zutt pédák án.” Anchosh bát. Ámin. Byá, oo Hodáwandén Issá!

Elhám 22:7

“Bechár, mane Issá zutt pédák án. Bahtáwar hamá ent ke hamé péshgóiay habaráni parmánbardáriá kant ke é ketábá mán ant.”