Pa Pilipián Pulosay kágad 4:19 - Hodáay Pákén Ketáb Balochi zobáná

¹⁹ Mani Hodá shomay har zaluratá wati jenday porshawkatén mál o hastiay hesábá o Issá Masihay barkatá puraha kant.

Pa Pilipián Pulosay kágad 4:19 Cross References

Pédáesh 48:15

Ákubá Issop barkat dát o gwashti: “Hamá Hodá ke mani pet o pirok Ebráhém o Esáká áiay ráh zortag, hamá Hodá ke cha mani pédáeshá beger tán maróchi mani negahpán butag,

Zabur 104:24

Oo Hodáwand! Tai kár chinkadar báz ant, taw, é sajjahén pa hekmat addh kortagant, zemin cha tai jórh kortagénán porr ent.

Zabur 130:7

Oo Esráil! Ométá pa Hodáwandá bedár, ke mehr gón Hodáyá ent o kámelén rakkénag hamáiay dastá ent.

Zabur 36:8

Á cha tai bárgáhay sarréchén nyámatán séra bant o cha wati lezzatáni kawrá áyán sérápa kanay.

Zabur 84:11

ke Hodáwandén Hodá róch o esparé, Hodáwand rahmata bakshit o ezzata dant. Hamá ke zendá pa bémayária gwázénit, Hodáwand sharrén chizzán cha áiá dura nadárit.

Dányál 6:22

Mani Hodáyá wati préshtagé ráh dát ke shéráni dapi bast. Shérán maná hecch táwán nadát. Oo bádsháh! Haminchok ke man Hodáay démá bégonáh án haminchok tai démá ham man hecch radén káré nakortag.”

Mattá 6:32

Donyáay sajjahén Hodánábáwarén mardom é chizzáni randá tachant, bale shomay ásmáni Peta zánt ke shomárá é chizz pakár ant.

Yuhanná 20:17

Issáyá gwasht: “Maná dast majan, chéá ke angat Petay kerrá borzád nashotagán, bale mani brátáni kerrá beraw o áyán begwash ke nun man dém pa wati Petá o shomay Petá, wati Hodáyá o shomay Hodáyá borzáda rawán.”

Yuhanná 20:27

Nun gón Tumáyá gwashti: “Wati lankoká edá byár, mani dastán bechár, wati dastá mani kash o pahnátay thappay sará ér kan o cha ed o rand shakk makan, báwar kan.”

Pulosay kágad pa Rumián 1:8

Har chizzá pésar, cha Issá Masihay ráhá pa shomá sajjahénán wati Hodáay shográ gerán, chéá ke shomay imánay tawár sajjahén donyáyá sheng butag.

Pulosay kágad pa Rumián 11:33

Pokkaw! Hodáay ganj o hekmat o zántay johlánki chinchok báz ent. Áiay shawr o saláh cha zánag o dar géjagá dur ant o ráhi cha shóházá dhann!

Pulosay kágad pa Rumián 2:4

Yá ke áiay mehrabáni o sabr o tahambolay ganjá béarzesha zánay o é chizzá sarpada nabay ke Hodáay mehrabániay maksad hamesh ent ke tará dém pa tawbah kanagá bebárt?

Pulosay kágad pa Rumián 8:18

Mani hesábá, é zamánagay sakki o sóri, á shán o shawkatay démá hecch naant ke pa má paddar bayagi ent.

Pulosay kágad pa Rumián 9:23

Gorhá ché? Balkén áiá chosh kortag tán wati shán o shawkatá hamá mardomán pésh bedárit ke áiay rahmatay chérá ant, hamá mardom ke Hodáyá pésará pa shán o shawkatá tayár kortagant.

Pa Pilipián Pulosay kágad 4:7

Nun gorhá hamá émeni ke cha Hodáyá rasit o cha sajjahén zánt o sarpadiá báláter ent, hamá émeni Issá Masihay barkatá shomay del o hayáláni páspána bit.

Pa Tesálunikián Pulosay awali kágad 2:12

Má shomárá delbaddhi o deljami dát o dazbandi kort ke anchén zendé begwázénét ke Hodáay láhek bebit, hamá Hodá ke shomárá tawára kant ke dém pa mani bádsháhi o shán o shawkatá byáét.

Pa Timutáusá Pulosay awali kágad 6:17

Hamá mardom ke é donyáyá hastómand ant, áyán hokm beday ke gorunák mabét o wati ométá gón wati mál o hastiá mabandét ke mál o hastia kayt o rawt. Wati ométá Hodáay sará bebandét ke gón daspachi márá alkáp o peráwánén zendé dant.

Pa Pilimuná Pulosay kágad 1:4

Man har wahdá ke wati dwáyáni tahá tará yáta kanán, modám wati Hodáay shográ gerán,

Petrosay Awal Kágad 5:1

Man wat ke cha kelisáay kamáshán yakké án o Masihay sakki o sóriáni sháhedé án o áiay paddar bayagién shán o shawkatá sharikdár án, shomay nyámá harché kamásh hast, cha áyán mani dazbandi esh ent ke:

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.