Pa Pilipián Pulosay kágad 3:9 - Hodáay Pákén Ketáb Balochi zobáná

⁹ gón hamáiá hawár bebán. Maná á pahrézkári mabát ke cha Sharyatay ráhá rasit, hamá páki o palgári maná berasát ke cha Masihay sará báwar kanagá rasit, hamá palgári ke cha Hodáyá rasit, cha imánay ráhá.

Pa Pilipián Pulosay kágad 3:9 Cross References

Pédáesh 7:23

Hodáyá zeminay saray sajjahén sahdár gár o gomsár kortant. Ensán o jánwar o lápkassh o ásmánay morg, sajjahén cha zeminá gár butant. Éwaká Nuh o hamá ke gón áiá bójigá gón atant, pasht kaptant.

Zabur 14:3

Sajjahénán wati ráh gár dátag, hórigá palit butagant, nékkáré nést, yakké ham nést.

Zabur 143:2

Wati hezmatkárá mayárig makan ke tai bárgáhá kass bémayár naent.

Zabur 19:12

Kay ent á ke wati radián bezánt o sarpad bebit? Maná cha wati nazántagén gonáhán pák o sallah kan.

Dányál 9:24

Pa tai kawm o tai pákén shahrá haptád haptag gisshénag butag ke sarkasshi bekotthit, gonáh halás bebant, korbánig kanag o gonáháni táwán porr kanag bebit, abadi adl barjam bebit, shobén o paygambari mohr janag bebant o cha sajjahénán pákterén jágah rógen per moshag bebit.

Mattá 9:13

Bale berawét o é habaray mánáyá dar begéjét ke man hayrát o korbánig kanagay lóthók naán, mehr o rahmatay lóthók án. Man pa pahrézkárán nayátkagán, gonahkáráni lóthag o gwánk janagá átkagán.

Pulosay kágad pa Rumián 1:17

Chéá ke Issáay wasshén mestágay tahá hamá páki o palgári paddara bit ke cha Hodáay némagá ent, hamá páki o palgári ke cha azal tán abad imánay sará óshtátag, anchosh ke nebisag butag: “Hamá ke cha imánay ráhá pák o palgár ent, zendaga mánit”.

Pulosay kágad pa Rumián 10:10

Chéá ke ensán pa del báwara kant o pák o palgár zánaga bit, gón zobáná ham mannit o é paymá rakkit.

Pulosay kágad pa Rumián 16:7

Mani syád Andrunikás o Yuniásá ke mani hamráhiá bandig atant salám sar kanét. Kásedáni nyámá á, arzeshmand o námdárén chehrag ant o cha man o pésar, Masihay báwarmand butagant.

Pulosay kágad pa Rumián 5:21

tánke, hamá paymá ke gonáhá cha markay ráhá bádsháhi kort, rahmat ham cha páki o palgáriá bádsháhi bekant o cha may Hodáwand Issá Masihay ráhá márá dém pa namiránén zendá bebárt.

Pulosay kágad pa Rumián 8:1

Nun pa hamá mardomán hecch mayárbárié nést ke Issá Masihayg ant.

Pulosay kágad pa Rumián 8:3

Hamá kár ke Sharyatá kort nakortagat, parchá ke gonahkárén sareshtay sawabá nezór butagat, á kár Hodáyá wat kort. É kári chosh kort ke wati jenday Chokki gonahkárén ensánéay dróshomá rawán dát tán pa may gonáhán korbánig bebit. É paymá cha yakk jesm o jánéay ráhá gonáhi mayárbár kort,

Pa Galátián Pulosay kágad 2:16

bale angat má zánén ke mardom Sharyatay randgiriay sawabá pák o palgára nabit, Issá Masihay sará báwar kanagay sawabá pák o palgára bit. Má Issá Masihay sará báwar kortag tánke Masihay sará báwaray sawabá pák o palgár bebén, Sharyatay randgiriay sawabá na, chéá ke Sharyatay randgiriay sawabá kass pák o palgára nabit.

Pa Pilipián Pulosay kágad 3:6

Agan dini jósh o gayratay gapp ent, man kelisá ázár dátag o agan Sharyatay hesábá pahrézkáriay gapp ent, béayb butagán.

Pa Timutáusá Pulosay domi kágad 1:9

Hodáyá márá neját dátag o pa pákén zendéá gwánk jatag. Márá may kortagén káráni sawabá gwánki najatag, wati jenday erádah o rahmatay bonyádá gwánki jatag o é rahmat márá Issá Masihay barkatá, cha azalá dayag butag o

Pa Titusá Pulosay kágad 3:5

Hodáyá márá rakként. Márá may nékén káráni sawabá narakkénti, wati rahmay sawabá rakkénti. Áiá márá shosht o Pákén Ruhay barkatá nókén zendé dát o é paymá márá rakkénti.

Ákub 3:2

má sajjahén báz rada janén o thagala warén. Agan kasé cha wati habarán thagal mawárt, tamán o kámelén ensáné o wati sarjamén jesm o jánay mahárá dáshta kant.

Petrosay Domi Kágad 1:1

Cha Issá Masihay hezmatkár o kásed, Shamun Petrosay némagá, pa hamáyán ke cha may Hodá o rakkénók Issá Masihay barkatá, hamá paymén bébaháén báwaré rasetagesh ke márá rasetag.

Yuhannáay Awali Kágad 3:4

Harkas ke gonáha kant, Sharyatay helápá kára kant, chéá ke gonáh, náshari ent.