Pa Pilipián Pulosay kágad 3:12 - Hodáay Pákén Ketáb Balochi zobáná

¹² Mana nagwashán ke man é chizz dastá áwortag o nun sarjam o kámelén mardomé án, bale johda kanán ke maná hamá chizz dast bekapit ke pa áiá Issá Masihá maná dast geptag.

Pa Pilipián Pulosay kágad 3:12 Cross References

Zabur 119:5

Pa tai hokmáni barjáh dáragá mani ráh mohr o mohkam bátant.

Zabur 138:8

Hodáwand maná rakkénit. Hodáwand! Tai mehr abadmán ent, wati dastáni kárán band makan.

Zabur 42:1

Áskay paymá ke pa kawray ápán zahirwár ent, hamé paymá, oo mani Hodá, mani arwáh tai zahirán ent.

Zabur 63:8

Arwáhon gón taw bandók ent o rástén dastet mani posht o panáh.

Zabur 84:2

Mani arwáh pa Hodáwanday parasteshgáhay péshjáhán shaydá o hodók ent, mani del o ján pa zendagén Hodáyá pa shádehi kukkára kant.

Zabur 94:15

Dádrasi padá pa ensápa bit, sajjahén nékdel ensápay randgiriá kanant.

Mattá 5:48

Paméshká shomá báyad tamán o béayb bebét, anchosh ke shomay ásmáni Pet wati jáhá tamán o béayb ent.

Kásedáni Kár 9:15

Bale Hodáwandá gón Hannániáyá gwasht: “Beraw, man pa wati hezmatkáriá, á gechén kortag ke darkawm o áyáni bádsháh o Esráiliáni gwará berawt o pa mani námá gwáhi bedant.

Pulosay kágad pa Rumián 8:39

na borzi, na jahli o na sajjahén hastiay dega chizzé márá cha Hodáay hamá mehrá jetá korta kant ke cha may Hodáwand Issá Masihá márá rasit.

Pa Galátián Pulosay kágad 5:17

Chéá ke gonahkárén tab o sareshtay wáhag Pákén Ruhay heláp ant o Pákén Ruhay wáhag gonahkárén tab o sareshtay heláp ant. É gón yakdomiá jangá ant o paméshká shomá á kárána nakanét ke kanagesha lóthét.

Pa Pilipián Pulosay kágad 1:1

Cha Issá Masihay hezmatkár Pulos o Timutáusay némagá, pa Issá Masihay hamá sajjahén palgártagén mardomán ke Pilipiá ant, gón kelisáay sarparast o hezmatkárán hawár.

Pa Pilipián Pulosay kágad 3:16

Bale byáét hamá chizzán mohr bedárén ke máshomá tán é wahdi dastá áwortagant.

Pa Pilipián Pulosay kágad 3:3

Chéá ke sonnat butagén má én. É má én ke Hodáyá cha áiay Pákén Ruhay barkatá parastesha kanén. Pa má pahr o sháné ke gón Issá Masihá hawár én o márá cha wati jesmá, bezán cha donyái chizzán omété nést,

Pa Pilipián Pulosay kágad 3:8

Tahná é chizz na, wati Hodáwandén Issá Masihay pajjáh áragay ganjay démá, man har chizzá táwáné sarpada bán, chéá ke man pa hamáiaygi é sajjahén yalah dátant. Man eshán bass gand o gasarh sarpada bán ke mani katth tahná Masih bebit o

Pa Tesálunikián Pulosay awali kágad 5:15

Hayálá bedárét ke kass badiay badalá badi makant. Badi makanét o modám pa yakdegará o pa harkasá sharriay randá bebét.

Pa Tesálunikián Pulosay domi kágad 2:13

Oo brátán! Oo Hodáwanday dóstigén mardomán! Má báyad ent pa shomá modám Hodáay shográ begerén, chéá ke Hodáyá shomárá cha bendátá gechén kortag ke shomá Pákén Ruhay pák o palgár kanókén káray barkatá o rástiay sará wati imánay barkatá berakkét.

Pa Timutáusá Pulosay awali kágad 5:10

Á wati sharrén káráni sawabá washnámén mardomé bebit. Anchén mardomé bebit ke wati chokki sharr ródéntagant, mehmándárii kortag, palgártagénáni hezmati kortag, paréshánén mardománi komakki kortag o pa har paymén sharrén kárá modám tayár butag.

Pa Timutáusá Pulosay awali kágad 6:19

É dhawlá, á pa wat ganjé moccha kanant ke pa áyáni áyókén zendá mohkamén bonyádé bit o hamá zendá dastá kárant ke hakk o delén zendé.

Ákub 3:2

má sajjahén báz rada janén o thagala warén. Agan kasé cha wati habarán thagal mawárt, tamán o kámelén ensáné o wati sarjamén jesm o jánay mahárá dáshta kant.

Petrosay Awal Kágad 5:10

Nun Hodá, ke sajjahén rahmatáni málek ent o shomárá cha Masihay ráhá dém pa hamá abadmánén shawkatá gwánki jatag, shomay kammén sakki o sóriay saggagá rand, shomárá nóksará twána dant, mohr o mohkama kant o páydári o zóra bakshit.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.