Pa Pilipián Pulosay kágad 2:7 - Hodáay Pákén Ketáb Balochi zobáná

⁷ wati shán o shawkati yalah dát o goláméay dróshomi zort o ensánéay sheklá pédá but.

Pa Pilipián Pulosay kágad 2:7 Cross References

Zabur 22:6

Záná, man ensáné naán, kermé án? Mardománi démá sobakk án o kawmay chammá béezzat.

Dányál 9:26

Randá, shast o do haptagá pad, hamá ‘rógen per moshtagén’ koshaga bit o áiay kerrá hecch pashta nakapit. Áyókén hokmránay mardom shahr o mazanén parasteshgáhá tabáha kanant, bale áiay jenday tabáhi chó háréá kayt. Jang tán godhsará barjáha mánit o tabáhiáni shawr borrag butag.

Mattá 12:18

É mani hezmatkár ent ke man gechén kortag, maná sakk dóst ent o man cha eshiá báz wassh o razá án, man wati Ruhá eshiay sará éra géján, darkawmáni nyámá é hezmatkár mani ensáp o dádrasiay járá perrénit.

Mattá 20:28

Hamé dhawlá, Ensánay Chokk nayátkag ke mardom áiay hezmatá bekanant, átkag ke mardománi hezmatá bekant o gón wati sáhay dayagá, bázénéá berakkénit.”

Markás 9:12

Issáyá passaw dát: “Sharyatay zánógeráni habar rást ent ke Masihay áyagá pésar, Elyás nabi padá kayt o sajjahén kárán gwam o géga kant. Bale ásmáni ketábán pa ché chosh átkag ke Ensánay Chokk báyad ent báz sakki o sóri besaggit o mardom áiá mamannant?

Luká 22:27

Bárén, kay master ent? Hamá ke neshtag o waragá ent, yá hamá ke hezmat kanagá ent? Albat, hamá ke neshtag o waragá ent. Bale man shomay nyámá, hezmatkáréay dhawlá án.

Yuhanná 1:14

Gál ensán but o may nyámá jágahi kort. Má áiay shán o shawkat dist, hamá shán o shawkat ke Petay yakkén Chokkayg ent, hamá Chokk ke cha rahmat o rástiá sarréch ent.

Pulosay kágad pa Rumián 1:3

É mestág áiay Chokk bezán may Hodáwand Issá Masihay bárawá ent ke jesmi hesábá, Dáuday poshpad o óbádag ent. Wahdé cha mordagáni nyámá jáhi jat, Pákén Ruhay wák o kodratay sawabá Hodáay zórmandén Chokk zánag o jár janag but.

Pulosay kágad pa Rumián 15:3

Chéá ke Masih ham wati washnódiay padá naat, anchosh ke nebeshtah ent: “Tai rad o bad kanókáni rad o bad, mani sará kaptagant.”

Pulosay kágad pa Rumián 15:8

Shomárá gwashán ke pa Hodáay rástiay pajjáragá, Masih Yahudiáni hezmatkáré butag tánke hamá kawl o wádahán pakká bekant ke bonpirokán dayag butagatant o

Pulosay kágad pa Rumián 8:3

Hamá kár ke Sharyatá kort nakortagat, parchá ke gonahkárén sareshtay sawabá nezór butagat, á kár Hodáyá wat kort. É kári chosh kort ke wati jenday Chokki gonahkárén ensánéay dróshomá rawán dát tán pa may gonáhán korbánig bebit. É paymá cha yakk jesm o jánéay ráhá gonáhi mayárbár kort,

Pa Galátián Pulosay kágad 4:4

Bale wahd ke átk, Hodáyá wati Chokk dém dát. Chokk ensáné but o cha pédáeshá Sharyatay rahbandáni chérá at,

Pa Pilipián Pulosay kágad 2:6

Á, Hodáay zátay dróshomá at, bale gón Hodáyá é hamdróshomi, áiá pa wat katth o páedagé hesáb nakort o