Pa Pilipián Pulosay kágad 2:12 - Hodáay Pákén Ketáb Balochi zobáná

¹² Paméshká mani dordánagán! Anchosh ke shomá modám parmánbardár butagét, na tahná á wahdá ke man shomay kerrá atán, annun ham ke man ódá naán, angat géshter parmánbardár ét. Gorhá pa tors o larz wati nejátay rost o rodómay johdá bekanét.

Pa Pilipián Pulosay kágad 2:12 Cross References

Zabur 119:120

Mani jánay gósht cha tai torsá larzit o maná cha tai rahbandána torsit.

Zabur 2:11

Pa tors, Hodáwanday hezmatá bekanét o pa drahag pádáni kapét.

Mattá 11:12

Cha pákshódókén Yahyáay wahdá beger tán annun, Hodáay ásmáni bádsháhi gón zóráki démá rawán ent o zórmand áiá pa zóré watigia kanant.

Mattá 11:29

Mani jogá baddhá kanét, cha man hél begerét, ke man narmdel o békebr án. Gorhá shomárá árám o ásudagia rasit.

Kásedáni Kár 16:29

Jélay negahpáná cherágé lóthet o tacháná bandijáhay tóká shot o gón drahagá Pulos o Silásay pádán kapt.

Kásedáni Kár 9:6

Nun pád á o shahrá beraw. Hamódá gwashant tará che kár kanagi ent.”

Pulosay kágad pa Rumián 2:7

Hamá ke gón sabr o ópár, nékén káráni sará mohr óshtátagant o shawkat, ezzat o namirániay randá ant, áyán namiránén zenda bakshit.

Pa Pilipián Pulosay kágad 1:27

Toré harché bebit, wati zendá anchosh begwázénét ke Masihay wasshén mestágá bekarzét. Gorhá agan man shomay cháragá byáyán yá cha shomá dur bebán, bass sahig bebán ke shomá yakdel o yakján ét o mohr óshtátagét o pa wati báwará, bezán pa wasshén mestágá pa hamdeli johd kanagá ét o

Pa Pilipián Pulosay kágad 1:29

Nun é sharap shomárá cha Masihay némagá rasetag ke shomá Masihay sará na tahná báwarmand bebét, pa áiá sakki o sóri ham besaggét,

Pa Pilipián Pulosay kágad 1:5

parchá ke cha awali róchá beger tán é wahdá shomá wasshén mestágay sheng kanagá gón ét.

Pa Pilipián Pulosay kágad 1:6

É gappá ham deljam án ke Hodáyá hamá sharrén kár ke shomay del o daruná bongéj kortag, tán hamá wahdá barjáhia dárit ke sarjam bebit, tán hamá róchá ke Issá Masiha kayt.

Pa Pilipián Pulosay kágad 2:19

Bale man Hodáwand Issáay ométá Timutáusá zutt pa shomá rawána dayán ke maná ham gón shomay hálay rasagá delbaddhi berasit.

Pa Pilipián Pulosay kágad 4:1

Paméshká, Hodáwanday ráhá mohr bóshtét. Mani dordánagén brátán! Man pa shomay didárá hodónák án. Mani dordánagán! Shomá mani shádmáni o táj ét.

Pa Pilipián Pulosay kágad 4:15

Oo Pilipián! Shomá sharr sarpad ét ke wasshén mestágay sheng kanagay bongéjá, man ke Makduniah yalah kort, cha shomá abéd hecch kelisáyá maná pa day o gerá komakk nakort.

Pa Tesálunikián Pulosay awali kágad 1:3

Má wati Hodáén Petay démá modám shomay báwarmandi kárán o pormehrén zahmatán o sagg o bardáshtá yáta kanén ke áyáni sarchammag hamá omét ent ke shomárá may Hodáwandén Issá Masihay sará hastent.

Pa Timutáusá Pulosay domi kágad 2:10

Gorhá Hodáay gechén kortagénáni háterá man har chizza saggán ke áyán ham neját berasit. É neját o eshiay abadmánén shán o shawkat Issá Masihay sará imán áragay barkatá rasit.

Petrosay Awal Kágad 2:11

Oo dordánagán! Shomá é donyáyá bégánag o darámad ét. Mani dazbandi hamesh ent ke watá cha á jesmáni lóth o wáhagán pahréz bekanét ke shomay ruhay helápá janga kanant.

Petrosay Domi Kágad 3:18

Gón may Hodáwand o rakkénók Issá Masihay rahmat o zántá, rost o rodóm gerán bebét. Shán o shawkat annun tán abad, hamáiayg ent. Anchosh bát. Ámin.