Pa Pilipián Pulosay kágad 1:18 - Hodáay Pákén Ketáb Balochi zobáná

¹⁸ Gorhá ché? Toré pa badniyati Masihay járá bejanant yá pa del o setk, bale har warhá Masihay jár wa janag bayagá ent o man cha é kárá shádán án. Haw, modám shádmánia kanán

Pa Pilipián Pulosay kágad 1:18 Cross References

Mattá 23:13

Bale bazhn o apsóz pa shomá, oo Sharyatay zánógerán o Parisián! Oo dopóstén shatalkárán! Shomá mardománi démá ásmáni bádsháhiay darwázagá banda kanét, na wata poterét o na degarána kellét.

Markás 12:40

Janózámáni lógán gón málwáriá barant o pa pésh dáragá wati dwá o sanáyán drájkassha kanant. Eshán sakterén sezá o padmozza rasit.”

Luká 9:45

Bale morid áiay é habará sarpad nabutant, chéá ke pa áyán ramz o rázé at. Cha Issáyá jost kanagesh ham torset.

Luká 9:50

Issáyá gwasht: “Na, é kárá makanét, chéá ke agan kasé shomay badwáh mabit, gón shomá ent.”

Pulosay kágad pa Rumián 3:9

Gorhá ché begwashén? May, Yahudiáni hál cha á degarán gehter ent? Na, hecch paymá gehter naent! Chéá ke má é habar paddar o pakká kortag ke sajjahén mardom, Yahudi o Yunáni, gonáhay bandig ant.

Pulosay kágad pa Rumián 6:15

Gorhá ché? Paméshká ke Sharyatay sáhegá naén o rahmatay sáhegá én, gorhá gonáh bekanén? Hechbar!

Pa Pilipián Pulosay kágad 1:19

parchá ke mana zánán ke é chizz mani rakkagay ráhá pacha kanant, chéá ke shomá pa man dwá kanét o Issá Masihay Ruh maná komakka kant.