Pa Timutáusá Pulosay domi kágad 4:5 - Hodáay Pákén Ketáb Balochi zobáná

⁵ Bale har hálat o jáwaréá tará dásht bebit, sakki o sóri besagg, wasshén mestágay jár janagay kárá démá barán kan o wati hezmatkáriay zemmahá sarjam kan.

Pa Timutáusá Pulosay domi kágad 4:5 Cross References

Mattá 25:16

Á hezmatkár ke áiá panch tálánt rasetagat, hamá damáná sawdágeriá shot o panch tálánti nap raset.

Markás 13:34

Mani per tarragay mesál, hamé dhawlá ent ke mardé dur o drájén saparéá berawt, roksat kanagay wahdá, sajjahén hezmatkáráni kár o bárán sar o sój bekant o negahpáná hokm bedant: ‘Sár o hozzhár bay!’

Markás 13:37

Anchosh ke man shomárá gwashagá án, sajjahénána gwashán: Hozzhár bét!”

Luká 12:37

Bahtáwar ant hamá hezmatkár ke áyáni hodábonda kayt o gendit ágah o hozzhár ant. Báwar kanét hodábond wat pa áyáni hezmatá lánka bandit, áyána nendárénit o warag démá dant.

Kásedáni Kár 21:8

É dega róchá cha ódá dar átk o Kaysariahay shahrá rasetén. Ódá má mestág dayókén Piliposay lógá dásht ke cha hamá hapténán yakké at.

Pulosay kágad pa Rumián 15:19

Áiá é kár, cha nesháni o mójezaháni wák o kodratá, gón Hodáay Ruhay zórá kortagant. Gorhá cha Urshalimá beger tán Ilirikumay damagá, man sajjahén ráhá tarr o gard kortag o Masihay wasshén mestág pa sarjami jár jatag.

Pa Tesálunikián Pulosay awali kágad 5:6

Gorhá byáét máshomá é degaráni dhawlá nakanén o wába nakapén, ágaha mánén o hozzhára bén.

Pa Timutáusá Pulosay awali kágad 4:12

Tai kasánomriay sawabá kass tará kamarzesh sarpad mabit o tai goptár o kerdár o mehr o imán o páki pa báwarmandán mesálé bebant.

Pa Timutáusá Pulosay awali kágad 4:15

Pa hobb o hodónáki é kárán bekan o watá sarjamá pa eshán wapk kan ke harkas tai démrawiá begendit.

Pa Timutáusá Pulosay domi kágad 1:8

Gorhá may Hodáwanday bárawá sháhedi dayagá lajj makan. Mani hálatay sará ham sharmendag mabay ke man pa Hodáwandaygi bandig án. Man pa wasshén mestágá é sakki o sórián ke bardásht kanagá án, tawesh ham gón Hodáay bakshátagén zórá bardásht kan.

Pa Timutáusá Pulosay domi kágad 2:10

Gorhá Hodáay gechén kortagénáni háterá man har chizza saggán ke áyán ham neját berasit. É neját o eshiay abadmánén shán o shawkat Issá Masihay sará imán áragay barkatá rasit.

Pa Timutáusá Pulosay domi kágad 2:3

Issá Masihay sharrén sepáhigéay paymá, sakki o sóriáni saggagá gón bay.

Pa Timutáusá Pulosay domi kágad 4:17

Bale Hodáwand mani kashá óshtát o maná zór o wáki dát, tánke man sarjamiá paygámay járá bejanán o sajjahén darkawm beshkonant. É paymá man cha shéray dapá rakketán.

Petrosay Awal Kágad 1:13

Wati lánká bebandét o hozzhár bebét. Zendá pa shehm o rahdári begwázénét. Wati ométá pa Hodáay hamá rahmatán bebandét ke Issá Masih wati záher bayagay wahdá pa shomá rasénitesh.

Elhám 3:2

Ágah bay o hamá chizzán mohr o mohkam kan ke angat pasht kaptagant bale meragi ant. Chéá ke man tai kár distagant ke mani Hodáay chammán kámel naant.