फिलिप्पियो 4:19 - Halbi

¹⁹ मचो माहापुरू बले आपलो हुन धन चो अनुसार जोन महिमा संगे मसीह ईशु ने आसे, तुमचो हरकोनी कमी के पुरा करेदे।

परमेस्वर को सच्चो वचन ख जाननू

¹⁹ मोरो परमेस्वर भी अपनो उ धन ख अनुसार जे महिमा संग मसी यीसु म हैं, तुमारो हर एक कमी ख पूरी करेगों

फिलिप्पियो 4:19 Cross References

मत्ती 6:32

कसनबल्लोने दुसर जाति ऐ सपाय तीजमन चो खोज ने रऊ आत, मान्तर तुमचो सरग चो बुआ जाने से कि तुमके ऐ सपाय तीजमन चो जरूरत आसे।

यूहन्ना 20:17

ईशु हुनचो ले बल्लो, “मोके नी छिंव, कसनबल्लोने मय ऐबे ले बुआ चो लगे उपरे नी गेले से, मान्तर मोचो भाईमन चो लगे जाऊन भाती हुनमन ले बोलुन देस, कि मय आपलो बुआ आउर तुमचो बुआ, आउर आपलो माहापुरू आउर तुमचो माहापुरू चो लगे उपरे जाये से।”

यूहन्ना 20:27

तेबे हुन थोमा ले बल्लो, “आपलो अंडकी ऐथा आनुन भाती मोचो हाथमन ने दक आउर आपलो हाथ आनुन भाती मोचो पंजरा ने डाल, आउर अबिश्वासी नाई मान्तर बिश्वासी हो।”

रोमियो 1:8

पयले मय तुमी सपाय काजे ईशु मसीह चो बाटले आपलो माहापुरू चो धन्यबाद करेंसे, कसनबल्लोने तुमचो बिश्वास चो चरचा पूईतराय जगत ने होये से।

रोमियो 11:33

आहा! माहापुरू चो धन आउर अकल आउर गिआन काय ची गंभीर आय! हुनचो बिचार कसन अथाह, आउर हुनचो बाट कसन बड़े भारी आय!

रोमियो 2:4

काय तुय हुनचो किरपा, आउर सयनशक्ति, आउर धीरजरूपी धन के तुच्छ जानसीस? काय ऐ नी समजीस कि माहापुरू चो किरपा तुके मन फिराव के सिकाऊ आय?

रोमियो 8:18

कसनबल्लोने मय समजे से कि ऐ समया चो दुक आउर कलेश हुन महिमा चो पुरे, जोन आमचो उपरे उजागर होतो बिती आय, काई बले नुआय।

रोमियो 9:23

आउर दया चो भण्डवामन थाने, जोनमन के हुन महिमा चो काजे पयले ले तिआर करलो, आपलो महिमा चो धन के उजागर करतोर इच्छा करलो?

2 कुरिन्थियो 12:21

आउर काहांय असन नी होओ कि मोचो माहापुरू मोचो फेर ले तुमचो थाने ऐ तो काजे मोचो उपरे दबाव डालो आउर मोके खुबेमन चो काजे फेर दुक करूक पड़ो, जोनमन पयले पाप करू रओत आउर अशुद्ध काम आउर बेबीचार आउर ढीलाढाला ले, जोन हुनमन करला, मन नी फिराला।

2 कुरिन्थियो 4:17

कसनबल्लोने आमचो डण्डिक चो खिन्डिक असन कलेश आमचो काजे खुबे ची जरूरी आउर अमर महिमा उपजास करते जाऊ आय;

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

इफिसीयो 1:7

आमके हुन थाने हुनचो लऊ चो दुवारा छुटकारा, बल्लोने अपराधमन चो छमा, हुनचो हुन अनुग्रह चो धन चो अनुसार मिरली से,

इफिसीयो 2:7

कि हुन आपलो हुन किरपा ले जोन मसीह ईशु ने आमचो उपरे आसे, ऐतो बिती समयामन ने आपलो अनुग्रह चो असीम धन दकाओ।

इफिसीयो 3:16

कि हुन आपलो महिमा चो धन चो अनुसार तुमके ऐ दान देओ कि तुमी हुनचो आत्मा ले आपलो भीतर चो मानेरूप ने सामरत पाऊन भाती बलवन्त होते जाआ;

इफिसीयो 3:8

मोचो उपरे जोन सपाय पवितर लोगमन ले नानी ले बले नानी आंय, ऐ अनुग्रह होली कि मय दुसर जातिमन के मसीह चो अगममय धन चो नगतखबर सुनायें,

फिलिप्पियो 4:7

तेबे माहापुरू चो शान्ति, जोन पूईतराय समज ले बाहार आय, तुमचो मन आउर तुमचो बिचारमन के मसीह ईशु ने सुरक्षित संगायेदे।

कुलुस्सियो 1:27

जोन थाने माहापुरू परकट करतोर चाह लो कि हुनमन के मालुम होओ कि दुसर जातिमन ने हुन भेद चो महिमा चो किमत काय आय, आउर हुन ऐ आय कि मसीह जोन महिमा चो आशा आय तुमचो ने रऊ आय।

कुलुस्सियो 3:16

मसीह चो बचन के आपलो मन ने जादा ले जादा बसुक दिआस, आउर सीद गिआन संगे गोटक दुसर के सिकाआ आउर जनावा, आउर आपलो-आपलो मन ने अनुग्रह चो संगे माहापुरू चो काजे भजन आउर स्तुति गीत आउर आत्मिक गीत गाहा।

1 थिस्सलुनीकियो 2:12

कि तुमचो चाल-चलन माहापुरू चो लायक होओ, जोन तुमके आपलो राज आउर महिमा ने हाग देऊ आय।

1तीमुथियुस 6:17

ऐ संवसार चो सवकारमन के हुकुम देस कि हुनमन घमण्डी नी होओत आउर नी धरा देतो धन उपरे आशा नी संगा ओत मान्तर माहापुरू उपरे जोन आमचो सुक चो काजे सपाय काई खुबे ले खुबे देऊ आय।

फिलेमोन 1:4

मय हरमेशा माहापुरू चो धन्यबाद करूं आंय, आउर आपलो पारथनामन ने बले तुके सुरता करूं आंय,

1 पतरस 5:1

तुमनमन ने जोन सियान आय, मय हुनमन चो असन सियान आउर मसीह चो दुखमन चो गोहई आउर परकट होतो बिती महिमा ने शामिल होऊन भाती हुनमन के ऐ समजायें से

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।