फिलिप्पियो 4:17 - Halbi

¹⁷ ऐ नाई कि मय दान चाहायें से मान्तर मय असन फल चाहाऊं आंय जोन तुमचो फायदा चो काजे बड़ते जाओ।

परमेस्वर को सच्चो वचन ख जाननू

¹⁷ यू नी कि मी दान चाहूँ हैं पर मी असो फल चाहूँ हैं जो तुमारो लाभ का लाने बढवा जाहे।

फिलिप्पियो 4:17 Cross References

यूहन्ना 15:16

तुमी मोके नी चुनलास मान्तर मय तुमके चुनले से आउर तुमके ठेबाले कि तुमी जाऊन भाती फल आना आउर तुमचो फल बनुन रओ, कि तुमी मोचो नाव ले जोन काई बुआ ले मांगा, हुन तुमके देये दे।

यूहन्ना 15:8

मोचो बुआ चो महिमा ऐचीई ले होऊ आय कि तुमी खुबे असन फल आना, तेबे ची तुमी मोचो चेला ठेबा से।

रोमियो 15:28

ऐईकाजे मय ऐ काम पुरा करून आउर हुनमन के ऐ चन्दा सोपुन भाती तुमचो लगे होते-होते स्पेन ने जायें दें।

2 कुरिन्थियो 11:16

मय फेर बलें सें, कोनी मोके मुरूक नी समजोत; नाहले मुरूक ची समजुन भाती मोचो सहा, बल्ले खिन्डिक असन मय बले घमण्ड करूक सकें।

2 कुरिन्थियो 9:5

ऐईकाजे मय भाईमन ले ऐ बिनती करतोर जरूरी समजले कि हुनमन पयले ले तुमचो लगे जाओत, आउर तुमचो उदारता चो फल जेचो बारे ने पयले ले बचन दिया जाऊ रली, तिआर करून संगा ओत कि ऐ दबाव ले नाई मान्तर आशीष चो फल चो असन तिआर होओ।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 4:11

ऐ नाई कि मय आपलो घटी चो लागुन ऐ बलेंसें; कसनबल्लोने मय ऐ सिकले से कि जोन हाल ने आसे; हुनी थाने संतुष्ट करेंदे।

1 थिस्सलुनीकियो 2:5

कसनबल्लोने तुमी जानेसास कि आमी ना तो केबीई चापलुसी चो गोठमन करा करते रऊँ, आउर ना लोभ चो काजे बाहना करते रऊँ, माहापुरू गोहई आसे;

1तीमुथियुस 3:3

मतवार नाहले मारपेट करतो बिता नी होओ; मान्तर कोमल होओ, आउर ना झगड़ाहा, आउर ना धन चो लालची होओ।

1तीमुथियुस 6:10

कसनबल्लोने रूपया चो लोभ सपाय परकार चो खराबीमन चो चेर आय, जोन के परापत करतोर कोशिश करते-करते कितलो लोगमन बिश्वास ले भटकुन भाती आपन खुद के नाना परकार चो दुखमन ले छिलछिदरी बनाला से।

तीतुस 1:7

कसनबल्लोने अध्यक्ष के माहापुरू चो भण्डारी होतोर लागुन बेकसूर होतोर आसे; ना टेकाहा, ना रीसाआ, ना मतवार, ना मारपेट करू बिता, आउर ना नीच कमाई चो लोभीई होओ,

तीतुस 3:14

आमचो लोग बले जरूरतमन के पुरा करतो काजे अच्छा काममन ने लगुन रतोर सिकोत कि बीना फल नी रओत।

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

1 पतरस 5:2

कि माहापुरू चो हुन गोहड़ी, जोन तुमचो मंजी ने आसे राका करा; आउर ऐ दबाव ले नाई मान्तर माहापुरू चो इच्छा चो अनुसार हरिक ले, आउर नीच-कमाई चो काजे नाई मान्तर मन लगान भाती कर।

2 पतरस 2:15

हुनमन सीदा बाट के छांडुन भाती भुलकुन गेला से, आउर बओर चो बेटा बिलाम चो बाट थाने होऊन गेला से, जोन अधरम चो भुती के लाड़ जानला;

2 पतरस 2:3

हुनमन लोग चो काजे गोठमन गडुन भाती तुमके आपलो लाब चो कारन बना दे, आउर जोन डण्ड चो हुकुम हुनमन उपरे पयले ले होऊन चुकली से हुनचो ऐतोर ने काई बले बेर निआय, आउर हुनमन चो बिनाश झुमु नुआय।

यहूदा 1:11

हुनमन उपरे हाय! कसनबल्लोने हुनमन कैन चो असन चाल चलला, आउर भुती चो काजे बिलाम चो असन नसुन गेला से, आउर कोरह चो असन बिरूद करून नशला सोत।