फिलिप्पियो 3:12 - Halbi

¹² ऐ मतलब नुआय कि मय मिराऊन चुकले से, नाहले सिद्ध होऊन चुकले से; मान्तर हुन तीज के धरतो काजे पराते जाऊँ आंय, जेचो काजे मसीह ईशु मोके धरू रलो।

परमेस्वर को सच्चो वचन ख जाननू

¹² यू मतलब नी कि मी पा चूको हैं, का सिध्द हो चूको हैं; पर वा चीज ख पकडन ख लाने दऊडा चलो जाव हैं, जेका लाने मसी यीसु न मो ख पकड़ो हतो।

फिलिप्पियो 3:12 Cross References

मत्ती 5:48

ऐईकाजे जरूरी आय कि तुमी सिद्ध बना, जसन तुमचो सरग चो बुआ सिद्ध आय।”

प्रेरितो 9:15

मान्तर परबु हुनचो ले बल्लो, तुय जाते जा; कसनबल्लोने हुन तो दुसर जातिमन आउर राजामन आउर इस्राएलीमन चो पुरे मोचो नाव परकट करतो काजे मोचो चुनलो बरतन आय।

रोमियो 8:39

ना गड़ीयां आउर ना कोनी आउर रचना, आमके माहापुरू चो मया ले, जोन आमचो परबु मसीह ईशु ने आसे, अलग करूक सके दे।

1 कुरिन्थियो 13:10

मान्तर जिदलदाय सर्वसिद ऐयेदे, तेबे आदरा मेटून जायेदे।

1 कुरिन्थियो 13:12

ऐबे आमके दरपन ने धुन्दरा असन दका देऊ आय, मान्तर हुन समया छमा-छम दकवां; ऐ समया मोचो गिआन आदरा आसे, मान्तर हुन समया असन पूईतराय ढंग ले चितायेंदे, जसन मय चिताया गेले सें।

1 कुरिन्थियो 9:24

काय तुमी नी जानास कि दौड़ ने तो दौडू सपाय आत, मान्तर ईनाम गोटक ची धरून जाऊ आय? तुमी असने ची दौड़ा कि जीता।

2 कुरिन्थियो 13:9

जिदलदाय आमी कमजोर आंसु आउर तुमी बलवन्त हुआ, तेबे आमी हरिक होऊ आंव, आउर ऐ पारथना बले करू आंव कि तुमी सिद्ध होऊन जाआ।

2 कुरिन्थियो 7:1

आउर हे लाडरामन, जिदलदाय कि ऐ बायदामन आमके मिरली से, तो ईआ, आमी आपन खुद देंह आउर आत्मा चो सपाय मईल ले शुद्ध करूं, आउर माहापुरू चो भय संगाते-संगाते पवितरता के सिद्ध करूं।

गलातियो 5:17

कसनबल्लोने देंह आत्मा चो बिरूद ने आउर आत्मा देंह चो बिरूद ने लालच करू आय, आउर ऐ गोटक दुसर चो बिरूदी आत, ऐईकाजे कि जोन तुमी करूक चाहायसास हुन नी करूक पाआ।

इफिसीयो 1:4

जसन हुन आमके जगत चो उपजास ले पयले हुन थाने चुनलो कि आमी हुनचो लगे मया ने पवितर आउर बेकसूर होऊँ।

इफिसीयो 4:12

जेचो ले पवितर लोग सिद्ध होऊन जाओत आउर सेवा चो काम कराय जाओ आउर मसीह चो देंह उन्नती पाओ,

फिलिप्पियो 1:1

मसीह ईशु चो दास पौलुस आउर तीमुथियुस चो बाटले, सपाय पवितर लोगमन चो नाव जोन मसीह ईशु ने होऊन भाती फिलिप्पी ने रऊ आत, अध्यक्षमन आउर सेवकमन संगे।

फिलिप्पियो 3:16

ऐईकाजे जोन लगले आमी अमरलु से, हुनचेई अनुसार चलु।

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

फिलिप्पियो 3:8

मान्तर मय आपलो परबु मसीह ईशु चो पयचान चो उत्तम जो लागुन मय सपाय तीजमन के घाटा उठाले, आउर हुनमन के कचरा समजु आय, जेचो ले मय मसीह के पाऊक सके।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

1तीमुथियुस 6:19

आउर पयले चो काजे गोटक अच्छा पाया डालुन संगा ओत कि सत जीवना के बस ने करोत।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

इब्रानियो 12:23

आउर हुन पयलवातमन चो सादा सभा आउर कलीसिया, जोनमन चो नाव सरग ने लिकलोर आसे, आउर सपाय चो नियाय करू माहापुरू चो लगे, आउर सिद्ध करलो बिती धरमीमन चो आत्मामन,

इब्रानियो 13:21

तुमके हरकोनी अच्छा गोठ ने सिद्ध करोत, जेचो ले तुमी हुनचो इच्छा पुरा करा, आउर जोन काई हुनके भाऊ आय हुनके ईशु मसीह चो लागुन आमचो ने उपजास करोत। हुनचेई महिमा जुग-जुग होते रओ। आमीन।

याकूब 3:2

ऐईकाजे कि आमी सपाय खुबे हार चुकुन जाऊ आंव; जोन कोनी बचन ने नी चुके हुनी तो सिद्ध माने आय आउर पुईतराय देंह के बले आपलो अधीन ने करूक सके।

1 पतरस 5:10

अदायं माहापुरू जोन सपाय अनुग्रह चो देतो बिता आय, जोन तुमके मसीह ने आपलो अमर महिमा चो काजे हाग दिलो से, तुमचो डण्डिक काजे दुख उठालोर पाचे खुद ची तुमके सिद्ध आउर थीर आउर बलवान करे दे।

2 पतरस 3:18

मान्तर आमचो परबु आउर मुक्तिकरू ईशु मसीह चो अनुग्रह आउर पयचान ने बड़ते जाआ। हुनचेई महिमा ऐबे बले होओ, आउर जुग-जुग होते रओ। आमीन।