फिलिप्पियो 2:8 - Halbi

⁸ आउर माने चो रूप ने परकट होऊन भाती आपन खुद के दिन करलो, आउर ऐथा ले हुकुम मानु रलो कि मरना, हव, कुरूस चो मरना बले सहलो।

परमेस्वर को सच्चो वचन ख जाननू

⁸ अर अदमी को रूप म प्ररगट हो ख अपनो तुम ख दीन करियो, अर यहाँ तक कि आदेस मानन ते रय्हो कि मरन हाव, सूली कि मरन भी सहन कर लियो।

फिलिप्पियो 2:8 Cross References

मत्ती 17:2

हुता हुनमन चो पुरे हुनचो रूप बदलली, आउर हुनचो थोमना बेर चो असन बरली आउर हुनचो फटीई ज्योति चो असन उजर होली।

मत्ती 26:39

फेर हुन खिन्डिक आउर पुरे जाऊन भाती पाटा पडुन घसरलो, आउर ऐ पारथना करलो, “हे मोचो बुआ, अगर होऊक सके तो ऐ बटका मोचो ले गुचुन जाओ, तेबले बले जसन मय मन करें से असन नाई, मान्तर जसन तुय मन कर सीस असने होओ।”

मत्ती 26:42

फेर हुन दुसरहार जाऊन भाती ऐ पारथना करलो, “हे मोचो बुआ, अगर ऐ मोचो पिवलो बिना नी गुचुक सके तो तुचो इच्छा पुरा होओ।”

लूका 9:29

जिदलदाय हुन पारथना करते रलो, तेबे हुनचो थोमना चो रूप बदलली, आउर हुनचो फटीई पंडरा होऊन बरूक मुरयाली।

यूहन्ना 10:18

कोनी हुनके मोचो ले झिकु नुआत, मान्तर मय हुनके खुद ची देऊ आंय। मोके हुनके देतोर बले अधिकार आसे। आउर हुनके फेर ले धरतोर बले अधिकार आसे। ऐ हुकुम मोचो बुआ ले मोके मिरली से।”

यूहन्ना 14:31

मान्तर ऐ ऐईकाजे हऊ आय कि संवसार जानो कि मय बुआ ले मया संगाऊ आंय, आउर जसन बुआ मोके हुकुम दिलो मय असने ची करू आंय। उठा, ऐथा ले जो।

यूहन्ना 15:10

अगर तुमी मोचो हुकुममन के माना से, तेबे मोचो मया ने बनुन राहा से; जसन कि मय आपलो बुआ चो हुकुममन के मानले से, आउर हुनचो मया ने बनुन रऊँ आंय।

यूहन्ना 4:34

ईशु हुनमन ले बल्लो, “मचो भात ऐ आय कि आपलो पठालो बिता चो इच्छा चो अनुसार चलें दें आउर हुनचो काम पुरा करेंदे।

प्रेरितो 8:33

हुनचो दिनता ने हुनचो नियाय नी होऊक पावली। हुनचो समया चो लोगमन चो बरनन कोन करेदे? कसनबल्लोने धरतनी ले हुनचो जीव उठाऊन निया जाऊ आय।”

रोमियो 5:19

कसनबल्लोने जसन गोटक माने चो हुकुम नी मानलो ने खुबे लोग पापी ठेबला, असने ची गोटक माने चो हुकुम मानलो ने खुबे लोग धरमी ठेबदे।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 12:4

तुमनमन पाप ले लड़ते-लड़ते हुनचो ले असन लड़ीई नी करलो कि तुमचो लऊ बोहड़ली;

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।