फिलिप्पियो 2:7 - Halbi

⁷ मान्तर आपन खुद के असन सुन करून दिलो, आउर दास चो रंगरूप धरना धरलो, आउर माने चो समान ने होऊन गेलो।

परमेस्वर को सच्चो वचन ख जाननू

⁷ याने अपनो तुम ख असो सून्य कर दियो, अर दास को स्वरूप धारण कियो, अर अदमी का समान म हो ख गयो।

फिलिप्पियो 2:7 Cross References

मत्ती 12:18

“दका, ऐ मोचो सेवक आय, जोन के मय चुनले से; मोचो लाड़रा, जेचो ले मोचो मन हरिक आंसे: मय आपलो आत्मा हुनचो उपरे डालेंदे; आउर हुन दुसर जातिमन के नियाय चो खबर देयदे।

मत्ती 20:28

जसन कि माने चो बेटा; हुन ऐईकाजे नी ईलो कि हुनचो सेवा शासन करा जाओ, मान्तर ऐईकाजे ईलो कि खुद सेवा शासन करो, आउर खुबे लोगमन के छंड़ातो काजे आपलो जीव देओ।”

मरकुस 9:12

ईशु हुनमन के जबाप दिलो, “एलिया सते पयले ऐऊन भाती सपाय काई सुदराये दे, मान्तर माने चो बेटा चो बारे ने ऐ केंव लिकलोर आसे कि हुन खुबे दुक उठाये दे, आउर नीच गेना जाये दे?

लूका 22:27

कसनबल्लोने बड़े कोन आय, हुन जोन भोज थाने बसलो से, नाहले हुन जोन सेवा करू आय? काय हुन नुआय जोन भोज थाने बसलो से? मान्तर मय तुमचो मंजी ने कमया चो असन आंय।

यूहन्ना 1:14

आउर बचन देंह चो रूपधरली; आउर अनुग्रह आउर सत ले समपूरन होऊन भाती आमचो मंजी ने डेरा करलो, आउर आमीमन हुनचो असन महिमा दकलु, जसन बुआ चो एकला बेटा चो महिमा।

रोमियो 1:3

आपलो बेटा आमचो परबु ईशु मसीह चो बारे ने बायदा करलो; हुन देंह चो बाटले तो दाऊद चो पुरखा ले जनमलो

रोमियो 15:3

कसनबल्लोने मसीह आपन खुद के हरिक नी करलो, मान्तर जसन लिकलोर आसे, “तुचो निन्दा करूमन चो निन्दा मोचो उपरे ईली।”

रोमियो 15:8

ऐईकाजे मय बलेंसें कि जोन बायदामन बुआ दादीमन के दिआय जाऊ रये हुनमन के जमखम करतो काजे मसीह, माहापुरू चो सत चो सबुत देतो काजे, खतना करलोर लोगमन चो सेवक बनलो;

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 8:9

तुमी आमचो परबु ईशु मसीह चो अनुग्रह जानसास कि हुन सवकार होऊन भाती बले तुमचो काजे कंगाल बनुन गेलो, बल्ले हुनचो कंगाल होऊन जातो ले तुमी सवकार होऊन जाआ।

गलातियो 4:4

मान्तर जिदलदाय समया पुरा होली, तेबे माहापुरू आपलो बेटा के पठालो जोन बायले लेकी ले जनम लो आउर नियम चो अधीन पयदा होलो,

फिलिप्पियो 2:6

जोन माहापुरू चो रंगरूप ने होऊन भाती बले माहापुरू चो बराबरी होतो काजे आपलो बस ने संगातोर तीज नी समझलो।

इब्रानियो 12:2

आउर बिश्वास करू आउर सिद्ध करू बिता ईशु चो बाटे दकते रवां, जोन हुन हरिक चो काजे जोन हुनचो पुरे धरून रये, लाज चो काई चिन्ता नी करून कुरूस चो दुख सहलो, आउर माहापुरू चो सिंघासन चो उजा बाटे जाऊन बसलो।

इब्रानियो 13:3

कयदीमन चो असन सुद्धि धरा कि माना हुनमन चो संगे तुमी बले कयदी आस, आउर जोनमन चो संगे खराप बेवहार करा जाऊ आय, हुनमन चो बले ऐ समजुन भाती सुद्धि धरा करा कि आमचो बले देंह आय।

इब्रानियो 4:15

कसनबल्लोने आमचो असन माहायाजक नुआय जोन आमचो कमजोरीमन ने आमचो संगे दुकी नी होऊक सको; मान्तर हुन सपाय गोठमन ने आमचो असन परका तो गेलो, तेबे बले पाप नी निकरली।