फिलिप्पियो 2:14 - Halbi

¹⁴ सपाय काम बिना घुरमुरून आउर बिना झगड़ा चो करा,

परमेस्वर को सच्चो वचन ख जाननू

¹⁴ सब काम बिना कुडकुडाए अर बिना लडाई का कियो कर,

फिलिप्पियो 2:14 Cross References

मत्ती 20:11

जिदलदाय मिरली तेबे हुनमन घर चो मालिक उपरे गुरमुरुन भाती बोलुक मुरयाला,

मरकुस 14:5

कसनबल्लोने ऐ इतर तो तीन सव दीनार ले जादा रेट ले बिकुन भाती कंगालमन ने बाटुन देऊक सकते रऊँ।” आउर हुनमन हुनके खिजुक मुरयाला।

मरकुस 9:14

जिदलदाय हुन चेलामन चो लगे ईलो, तेबे दकलो कि हुनमन चो भोंवरक बड़े भीड़ रूंड़ा होला से आउर शास्तरीमन हुनमन चो संगे बहस कर सोत।

लूका 5:30

ऐ थाने फरीसी आउर हुनमन चो शास्तरी, हुनचो चेलामन ले ऐ बोलुन भाती घुरमुरूक मुरयाला, “तुमी कर धरू बितामन आउर पापीमन चो संगे केंव खाऊ पिऊ आहास?”

प्रेरितो 15:2

जिदलदाय पौलुस आउर बरनबास चो हुनमन ले खुबे झगड़ा आउर बोला-बल्ली होली तेबे ऐ थेबाया गेली कि पौलुस आउर बरनबास आउर हुनमन थानले कितलो माने ऐ गोठ चो बारे ने पठालोबिता आउर सियानमन चो लगे यरूशलेम ने जाओत।

प्रेरितो 15:39

आउर असन झगड़ा उठली कि हुनमन गोटक दुसर ले अलग होऊन गेला; आउर बरनबास, मरकुस के धरून जाहाज थाने साइप्रस जाते गेलो।

प्रेरितो 15:7

तेबे पतरस खुबे बोला-बल्ली होऊन गेलोर पाचे उबा होऊन भाती हुनमन के बल्लो, हे भाईमन, तुमी जानास कि खुबे दिन होली माहापुरू तुमचो थानले मोके चुनलो कि मोचो मुंह ले दुसर जातिमन नगतखबर चो बचन सुनुन भाती बिश्वास करोत।

प्रेरितो 6:1

हुन दिनमन ने जिदलदाय चेलामन चो गेनती खुबे बडूक मुरयाली, तेबे यूनानी भाषा बोलतो बितामन इब्रानी भाषा बोलतो बितामन थाने गुरमुरूक मुरयाला, कि रोजे दिना चो सेवकाई ने आमचो रान्डीमन चो सुद्धि नी धरा जाये।

रोमियो 12:18

जाहां ले होऊक सके, तुमी भरसक सपाय मानेमन चो संगे मेल मिलाप संगाहा।

रोमियो 14:1

जोन बिश्वास ने कमजोर आसे, हुनके आपलो संगे धरा, मान्तर हुनचो संकामन थाने बिवाद करतो काजे नाई।

रोमियो 16:17

अदायं हे भाईमन, मय तुमचो ले बिनती करे से, कि जोन लोग हुन सिक्या चो उलटा, जोन तुमी पावलासास, फुट डालतोर आउर ठोकरना खुआतोर कारन होऊ आत, हुनमन के टारून दिआस आउर हुनमन ले दूर राहा।

1 कुरिन्थियो 10:10

आउर ना तुमी कुड़ कुड़ावा, जोन रीति ले हुनमन थानले कितलोमन कुड़ कुड़ाला आउर नष्ट करतो बिता चो बाटले नष्ट करा गेला।

2 कुरिन्थियो 12:20

कसनबल्लोने मोके डर आसे, काहांय असन नी होओ कि मय ऐऊन भाती जसन चाहें से, हुसन तुमके नी पायें; आउर मोके बले जसन तुमी नी चाहस हुसनी ची पाहा; आउर तुमीमन ने झगड़ा, डाह, रीस, बिरूद, इरका, खुद, घमण्ड आउर झनझट होओ;

गलातियो 5:15

मान्तर अगर तुमी गोटक दुसर के दात ले कतरते आउर चिरून खाऊ आस, तो चलाक राहा कि गोटक दुसर चो सत्यानाश नी करून दिआस।

गलातियो 5:26

आमी घमण्डी होऊन भाती ना गोटक दुसर के उड़साऊ, आउर ने गोटक दुसर ले डाह करूं।

फिलिप्पियो 2:3

बिरूद नाहले झूठा बड़ाई चो काजे काई नी करा, मान्तर दिनता ले गोटक दुसर के आपलो ले अच्छा समजा।

1 थिस्सलुनीकियो 5:13

आउर हुनमन चो काम चो कारन मया चो संगे हुनमन के खुबे ची मान चो लायक समजा। आपस ने मेल मिलाप ले राहा।

1 थिस्सलुनीकियो 5:15

खबड़दार! कोनी काचीई ले बुराई चो पलटा बुराई नी करा; मान्तर सदा भलाई करतो थाने लगु राहा, आपस ने आउर सपाय ले बले भलाई ची चो कोशिश करा।

इब्रानियो 12:14

सपाय ले मेल मिलाप संगाहा, आउर हुन पवितरता चो खोजी हुआ जेचो बिना कोनी परबु के केबे नी दक दे।

याकूब 1:20

कसनबल्लोने माने चो रीस माहापुरू चो धरम चो पालन नी करूक सके।

याकूब 3:14

मान्तर अगर तुमी आपलो-आपलो मन ने पीता कुचर आउर बिरूद संगायसास, तेबे सत चो बिरूद ने घमण्ड नी करा, आउर ना तो झूठ बोला।

याकूब 5:9

हे भाईमन, गोटक दुसर उपरे दोष नी लगाहा, बल्ले तुमी दोषी नी ठेबा; दका, हाकिम दुआर थाने उबा आसे।

1 पतरस 3:11

हुन खराप चो संग छांड़ो, आउर भलाई ची करो; हुन मिला-मिसा के डगरा ओ, आउर हुनचो खोज ने रओ।

1 पतरस 4:9

बिना घुरमुरलोर गोटक दुसर चो आव-भगत करा।

यहूदा 1:16

ऐमन तो असंतुष्ट, गुरमुरतो बितामन, आउर आपलो मनमानी चो अनुसार चलु बितामन आत, आउर आपलो मुंह ले घमण्ड चो गोठमन बोलु आत, आउर हुनमन लाब चो काजे मुंह दका बड़ाई करू आत।