फिलिप्पियो 1:21 - Halbi

²¹ कसनबल्लोने मोचो काजे जीव रतोर मसीह आय, आउर मरून जातोर फायदा आय।

परमेस्वर को सच्चो वचन ख जाननू

²¹ काहेकि मोरो लाने जिन्दो रहनू अर मसी हैं, अर मर जानू फयदा हैं।

फिलिप्पियो 1:21 Cross References

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 3:22

काय पौलुस, काय अपुल्लोस, काय कयफा, काय जगत, काय जीवना, काय मरना, काय वर्तमान, काय अगम, सपाय काई तुमचो आय,

2 कुरिन्थियो 5:1

कसनबल्लोने आमी जानु से कि जिदलदाय आमचो धरतनी थाने डेरा असन घर घसराया जाय दे, तेबे आमके माहापुरू चो बाटले सरग थाने गोटक असन भवन मिरे दे जोन हाथमन ले बनलो बिती घर नुआय, मान्तर नी घसरतो बिती आय।

2 कुरिन्थियो 5:6

आउर आमी सदा हिम्मत बान्दुन रऊ आंव आउर ऐ जानु से कि जिदलदाय ले आमी देंह ने रऊ आंव, हुदलदाय ले परबु ले अलग आसु।

2 कुरिन्थियो 5:8

ऐईकाजे आमी हिम्मत बान्दते रऊ आंव, आउर देंह ले अलग होऊन भाती परबु चो संगे रतोर आउर बले उत्तम समजु आंव।

गलातियो 2:20

मय मसीह चो संगे कुरूस उपरे चेगाया गेले से, अदायं मय जीव नी रले, मान्तर मसीह मोचो ने जीव आसे; आउर मय देंह ने अदायं जोन जीव आंसे तो मात्र हुन बिश्वास ले जीव आंसे जोन माहापुरू चो बेटा उपरे आसे, जोन मोके मया करलो आउर मोचो काजे आपन खुद के देउन दिलो।

गलातियो 6:14

मान्तर असन नी होओ कि मय दुसर कोनी गोठ चो घमण्ड करें दे, मात्र आमचो परबु ईशु मसीह चो कुरूस चो, जेचो बाटले संवसार मोचो नजर ने आउर मय संवसार चो नजर ने कुरूस थाने चेगाया गेले से।

फिलिप्पियो 1:20

मय तो ऐई हारदिक लालच आउर आशा संगायें से कि मय कोनी गोठ ने लाज नी होयें, मान्तर जसन मोचो परबल साआस चो कारन मसीह चो बड़ाई मोचो देंह चो बाटले सदा होते रली से, असने ची ऐबे बले होओ, भले मय जीव रयें नाहले मरून जायें।

फिलिप्पियो 1:22

मान्तर अगर देंह ने जीव रतोर ची मोचो काम काजे फायदा देऊ आय तेबे मय नी जाने कि कोन के चुनेंदें।

फिलिप्पियो 1:23

कसनबल्लोने मय दुनो चो मंजी ओट ने लटकले से; जीव तो चाहाय से कि देंह के छांडुन मसीह चो लगे जाऊन रयेंदे, कसनबल्लोने ऐ खुबे ची नुकु आय,

फिलिप्पियो 2:21

कसनबल्लोने सपाय आपलो मतलब चो डगर ने रऊ आत, ना कि ईशु मसीह चो।

कुलुस्सियो 3:4

जिदलदाय मसीह जोन आमचो जीव आय, परकट होये दे, तेबे तुमी बले हुनचो संगे महिमा संगे परकट कराय जाहा।

प्रकाशितवाक्य 14:13

फेर मय सरग ले ऐ शब्द सुनले, “लिक: जोन मरू परबु ने मरू आत, हुनमन आजी ले धन्य आत।” आत्मा बले से, “हव, कसनबल्लोने हुनमन आपलो सपाय मसागत ले अराम पावदे, आउर हुनमन चो काम हुनमन चो संगे होऊ आत।”